Fjölbreytt veðrabrigði Íslands heilluðu spænskan listamann

Vincente er ungur vatnslitamálari sem hefur náð miklum árangri í faginu. Hann byrjaði sex ára að mála og samkvæmt forsvarsmönnum Grásteins sýndi hann strax undraverða hæfileika. Hann hefur sótt menntun hjá meisturum vatnslitamálunar og unnið til ýmissa verðlauna.

„Við erum svo heppin að fyrir nokkrum árum heillaðist Vicente af íslenskri náttúru og þá sérstaklega fjölbreyttum veðrabrigðum. Hann hefur síðan þá komið hingað á hverju ári að mála úti í náttúrunni. Það er okkur í Grásteini mikill heiður að taka á móti honum og listunnendum á Íslandi happafengur að fá að sjá verkin sem hann hefur málað af íslenskri náttúru,“ segir í tilkynningu frá galleríinu. 

Sýningin stendur til 5. júlí næstkomandi.