Barcelona fær fyrrum besta leik­mann heims á frjálsri sölu

Samningur Bronze við City rennur út 30. júní næstkomandi og gengur hún því til liðs við Barcelona án þess að spænska liðið þurfi að greiða City fyrir. Bronze skrifar undir tveggja ára samning við Barcelona.

Bronze gekk til liðs við City frá Lyon árið 2020 en sama ár var hún valin besti leikmaður heims af FIFA.

Leikmaðurinn hefur þrisvar unnið meistaradeild Evrópu á ferli sínum og kemur til að styrkja liðið mikið.

Félagaskiptin ganga í gegn rétt rúmum sólahring eftir að forráðamenn Barcelona létu vel í sér heyra eftir að hafa misst leikmann frá sér á frjálsri sölu til PSG.