Verk eftir Gunnar Helgason á stóra sviðið í Þjóðleikhúsinu

Um er að ræða nýjan íslenskan barna- og fjölskyldusöngleik, byggður á bók Gunnars Helgasonar, Draumaþjófnum sem kom út árið 2019.

Verkið verður frumsýnt á Stóra sviði Þjóðleikhússins í mars á næsta ári. Stefán Jónsson leikstýrir verkinu en í sögunni fjallar höfundur um spennandi samfélagið í Hafnarlandi þar sem allir þekkja sinn sess í lífinu. 

Safnarar safna mat, njósnarar njósna, bardagarottur halda óvinum frá og étarar éta og hafa það gott. Söguhetjan Eyrnastór Aðalbarn Gullfalleg Rottudís eða bara Eydís, þarf að taka á öllu sínu og uppgötva hugrekkið innra með sér þegar líf hennar umbreytist á svipstundu og hún flýr Hafnarland í kjölfar æsilegra atburða.

Stefáns leikstýrði uppsetningunni af Sjö ævintýrum um skömm fyrir ekki svo löngu. Björk Jakobsdóttur skrifar leikgerðina, Ilmur Stefánsdóttir er leikmyndahöfundur, Filippía Elísdóttir hannar búninga, Þorvaldur Bjarni Þorvaldsson semur tónlist verksins og verður tónlistarstjóri í sýningunni og lýsing er í höndum Björns Bergsteins.

Lee Proud er danshöfundur en hann hefur stýrt dansi og hreyfingum í mörgum stórsýningum hér á landi á undanförnum árum.