Fram­tíð Ricciar­do hjá McLaren í lausu lofti

Ricciardo hefur aðeins sankað að sér 11 stigum til þessa á keppnistímabilinu í Formúlu 1. Hann hefur verið á eftir samherja sínum Lando Norris í öllum sjö tímatökum tímabilsin.

Ökumaðurinn sjálfur segist vera með samning til 2023 en vinnuveitandi hans segir ákveðna hluti geta bundið enda á veru hans hjá félaginu áður en samningurinn rennur út.

„Ég er með samning en ég vill ekki vera í 14. sæti. Það er ekki ástæðan fyrir því að ég keppi, orðum það þannig.“

Ítalski-Ástralinn samdi við McLaren á síðasta ári og átti að aðstoða hinn unga Lando Norris. Fyrsta tímabil hans var hins vegar hvorki fugl né fiskur og þá hefur lítið sem ekkert gengið upp á tímabilinu til þessa. Á sama tíma er Norris með 48 stig.

Zak Brown, framkvæmdastjóri McLaren, segir að það séu varnaglar til staðar ef frammistaða Ricciardo skáni ekki.

„Við höldum áfram og sjáum til hvað gerist. Ég vil ekki segja einn kappakstur í einu því þannig vinnum við ekki en við sjáum hvernig hlutirnir þróast,“ sagði Brown.

Mikil óvissa virðist ríkja í kringum framtíð hins 32 ára gamla Ricciardo sem virðist mögulega vera á leið frá McLaren áður en samningur hans rennur út.