Myndband: Mismunadrif útskýrt

Kristinn Ásgeir Gylfason skrifar 31. maí 2022 07:00

Mismunadrif er eitt af þessu sem margt fólk telur sig nú vita hvernig virkar, en margir eru í erfiðleikum með að útskýra fyrir öðrum. Eitthvað snýst á meðan annað er ekki að snúast, ekki jafn hratt hið minnsta. Myndband frá 1937 sem finna má í fréttinni er notað til að útskýra mismunadrif.

Mismunadrif gerir þér kleift að aka í gegnum beygju án þess að bíllinn éti upp dekkin sín og skemma kramið. Meðfylgjandi myndband útskýrir þetta allt saman afar vel. Taktu þér endilega kaffi í hönd og lærðu um mismunadrif.

Þulurinn er Henry Jamison „Jam“ Handy, sem varði stórum hluta ferils síns í að búa til fræðslumyndbönd. Myndbönd Jam reyndust raunar oft vera leyndar auglýsingar. Flest myndböndin voru gerð fyrir hönd General Motors og Standard Oil.

Óháð umfjöllunarefninu byrja myndbönd Jam á einfaldri spurningu „hvernig virkar X“ hann svarar svo spurningunni á einfaldan hátt með sjónrænum hætti.