Rangnick mun ekki starfa sem ráðgjafi hjá Manchester United

Þetta kemur fram í tilkynningu sem Manchester United sendi frá sér í dag. 

Rangnick tók við stjórnartaumunum hjá Manchester United þegar Ole Gunnar Solskjær var látinn taka pokann sinn í nóvember á síðasta ári. 

Erik ten Hag var á dögunum ráðinn knattspyrnustjóri Manchester United en ráðgert var að Rangnick myndi færa sig í starf yfirmanns knattspyrnumála eða ráðgjafa hjá félaginu í sumar.

Rangnick, sem nýverið var ráðinn þjálfari austurríska karlalandsliðsins, mun hins vegar ekki halda áfram störfum á Old Trafford. 

Manchester United hafnaði í sjötta sæti ensku úrvalsdeildarinnar á nýlokinni leiktíð 35 stigum á eftir nágrönnum sínum, Manchester City, sem urðu enskir meistarar. 

Liðið mun þar af leiðandi leika í Evrópudeildinni á næsta keppnistímabili