Með rúm­lega tvö­falt fleiri mörk í odda­leiknum en í leik eitt og tvö til samans

Hrafnhildur Hanna skoraði alls fimmtán mörk í oddaleiknum á móti Stjörnunni sem ÍBV liðið vann 30-26.

Hún var líka með flotta skotnýtingu því 68 prósent skota hennar rötuðu rétta lið.

Hanna hafði samtals skorað sex mörk í fyrstu tveimur leikjunum í einvíginu en tók heldur betur af skarið á úrslitastund og skoraði meira en tvöfalt meira í gærkvöldi en í hinum leikjunum til samans.

Hanna skoraði sex mörk í fyrri hálfleiknum eða jafnmikið og í leik eitt og tvö til samans. Stjarnan var með tveggja marka forskot í hálfleik, 16-14.

Í seinni hálfleiknum skoraði Hanna níu mörk og ÍBV vann hálfleikinn 16-10. Skyttan skoraði því aðeins einu marki minna en allt Stjörnuliðið í hálfleiknum.

Hér fyrir neðan má sjá tölur Hönnu úr leikjunum þremur í Stjörnueinvíginu þar sem sést að hún hækkaði sig í öllu með hverjum leik í einvíginu.

Hrafnhildur Hanna hefur verið að glíma við meiðsli en sýndi í gær að hún er komast aftur á flug sem eru frábærar fréttir fyrir Eyjamenn.