Kvöldfréttir Stöðvar 2

Fjallað verður nánar um málið í kvöldfréttum og rætt í beinni við þingmenn stjórnarandstöðunnar sem krefjast þess að Alþingi verði kallað saman án tafar vegna málsins.

Við förum einnig yfir atburði dagsins í Úkraínu þar sem Rússar sækja nú hart fram í Donbas-héraði og tökum stöðuna á Reykjanesskaga sem hefur nötrað á síðustu dögum. Jarðeðlisfræðingur segir skjálftahrinuna áminningu um að eldgos í sjó gæti sent ösku yfir höfuðborgarsvæðið.

Það getur reynst erfitt að komast að á dekkjaverkstæðum nú þegar það styttist í að lögregla dragi upp sektarmiðana. Við kíkjum á verkstæði sem ná varla að anna álaginu og förum á frumsýningu á nýju íslensku stórmyndinni Berdreymi.

Þetta og margt fleira á samtengdum rásum Bylgjunnar og Stöðvar 2 klukkan 18:30.