Jón Daði kom inn af bekknum og bjargaði stigi

James McClean kom heimamönnum í Wigan yfir snemma leiks og var staðan 1-0 í hálfleik. Þegar tíu mínútur voru liðnar af síðari hálfleik var Jón Daði sendur á vettvang. Bolton hélt áfram að senda sóknarsinnaða menn inn á og það bar árangur á 84. mínútu.

Will Aimson átti þá fyrirgjöf frá hægri, Jón Daði stökk hæst í teignum og stýrði knettinum í netið. Frábært jöfnunarmark hjá íslenska landsliðsframherjanum og staðan orðin 1-1. 

Fleiri urðu mörkin ekki og liðin þurftu því að sættast á eitt stig á mann. Ásættanlegt stig fyrir gestina þar sem Wigan er í 2. sæti deildarinnar.

Eftir leikinn er Bolton í 11. sæti með 59 stig eftir 40 leiki. Liðið á enn möguleika á að komast í umspil um sæti í B-deildinni á næstu leiktíð en þeir möguleikar eru ekki miklir.