Sætin sem eru í boði fyrir hvert lið í lokaumferðinni í kvöld

Óskar Ófeigur Jónsson skrifar 31. mars 2022 12:00

Keflvíkingurinn Jaka Brodnik reynir skot í fyrri leiknum á móti Njarðvík en til varnar eru Njarðvíkingarnir Nicolas Richotti og Mario Matasovic. Vísir/Vilhelm

Lokaumferð Subway-deildar karla fer fram í kvöld og þá kemur í ljós hvaða lið verður deildarmeistari, hvað verður síðasta liðið til að tryggja sér sæti í úrslitakeppninni og hvaða lið munu mætast í átta liða úrslitum hennar.

Það getur því ýmislegt breyst í 22. og síðustu umferð deildarkeppninnar og hér fyrir neðan má sjá hvað er í boði fyrir liðin níu sem hafa að einhverju að keppa í kvöld.

Njarðvík og Þór Þorlákshöfn eru að keppa um deildarmeistaratitilinn og heimavallarrétt út alla úrslitakeppnina. Njarðvík verður alltaf ofar verði liðin jöfn að stigum.

Keflavík, Valur og Tindastóll keppast við að ná heimavallarrétti í fyrstu umferð úrslitakeppninnar. Stólarnir, sem hafa unnið sex leiki í röð geta endaði í þriðja sæti ef úrslitin falla með þeim en einnig dottið alla leið niður í sjötta sæti.

Leikir kvöldsins í Subway-deild karla í körfubolta:

19.15 Njarðvík-Keflavík (Ljónagryfjan, Njarðvík)
19.15 Grindavík-Þór Þ. (HS Orku-höllin, Grindavík)
19.15 Tindastóll-Þór Ak. (Síkið, Sauðárkrókur)
19.15 KR-Valur (DHL-höllin, Meistaravellir)
19.15 Breiðablik-Stjarnan (Smárinn, Kópavogi)
19.15 Vestri-ÍR (Jakinn, Ísafjörður)
-
- Leikur Njarðvíkur og Keflavíkur verður sýndur beint á Stöð 2 Sport. Útsending hefst klukkan 19.00.
- Á Stöð 2 Sport 4 verður fylgst með öllum leikjum kvöldsins í þar sem Kjartan Atli Kjartansson og sérfæðingur han skipta á milli valla þar sem hlutirnir eru að gerast. Útsending hefst klukkan 19.00.

Keflvíkingar standa verr innbyrðis á móti bæði Val og Tindastól og verða því helst að vinna sinn leik á móti nágrönnum sínum í Njarðvík ætli þeir að byrja úrslitakeppnina á heimavelli.

Stjarnan gæti komist upp í fimmta sæti en það er nokkuð ljóst að Grindvíkingar enda í því sjöunda. Grindavíkurliðið gæti aftur á móti haft mikið um það að segja hvaða lið þeir mæti í átta liða úrslitunum.

Vinni Grindvíkingar Þorlákshafnar Þórsara á sínum heimavelli þá er öruggt að liðin munu mætast aftur í næstu viku þegar úrslitakeppnin byrjar.

Að lokum keppa KR-ingar og Blikar um áttunda og síðasta sætið í úrslitakeppninni í ár. KR verða enda með fleiri stig en Blikar því þökk sé 48 sigri Breiðabliks á KR á dögunum þá verða Blikar alltaf ofar ef innbyrðis úrslit ráða.

Sætin í boði fyrir liðin í lokaumferðinni

Njarðvík 32 stig
1. sæti ef ... sigur á Keflavík eða að Þór vinnur ekki Grindavík
2. sæti ef ... tap fyrir Keflavík og Þór vinnur Grindavík
Þór Þorl. 32 stig
1. sæti ef ... sigur á Grindavík og Njarðvík tapar fyrir Keflavík
2. sæti ef ... Njarðvík vinnur Keflavík
Keflavík 28 stig
3. sæti ef ... sigur á Njarðvík eða Valur og Tindastóll tapa bæði
4. sæti ef ... tap fyrir Njarðvík og Valur eða Tindastóll vinna
5. sæti ef ... tap fyrir Njarðvík og Valur og Tindastóll vinna bæði
Valur 26 stig
3. sæti ef ... sigur á KR og Keflavík tapar fyrir Njarðvík
4. sæti ef ... sigur á KR og Keflavík vinnur Njarðvík
5. sæti ef ... tap fyrir KR og Tindastóll vinnur Þór Akureyri
Tindastóll 26 stig
3. sæti ef ... sigur á Þór Ak. og bæði Keflavík og Valur tapa
4. sæti ef ... sigur á Þór Ak. og Keflavík vinnur Njarðvík og Valur tapar fyrir KR
5. sæti ef ... tap fyrir Þór Ak. eða Keflavík og Valur vinna bæði
6. sæti ef ... tap fyrir Þór Ak, Valur vinnur KR og Stjarnan vinnur Breiðablik
Stjarnan 24 stig
5. sæti ef ... sigur á Breiðabliki og Valur og Tindastóll tapa bæði
6. sæti ef ... tap á móti Breiðabliki eða Tindastóll vinnur
7. sæti ef ... tap móti Breiðabliki og Grindavík vinnur upp 86 stig á þá (afar ólíklegt)
Grindavík 22 stig
Verða í 7. sæti nema ef þeir vinna upp 86 stig í nettóskori á Stjörnuna
KR 20 stig
8. sæti ef ... sigur á Val eða Breiðablik tapar fyrir Stjörnunni
9. sæti ef ... tap fyrir Val og Breiðablik vinnur Stjörnuna
Breiðablik 18 stig
8. sæti ef ... sigur á Stjörnunni og KR tapar fyrir Val
9. sæti ef ... tap fyrir Stjörnunni

Úrslitakeppnin hefst síðan á þriðjudaginn í næstu viku.

Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 3.990 krónur á mánuði.

Subway-deild karla

Mest lesið

Fleiri fréttir