Sprengi­sandur: Staða heims­hag­kerfisins, ASÍ, Úkraína og eld­gos

Ásgeir Brynjar Torfason doktor  í fjármálum ætlar að skýra stöðuna í heimshagkerfinu sem aldeilis getur haft afleiðingar hérna heima ef svo fer fram sem horfir. 

Kristján Þórður Snæbjarnarson, formaður Rafniðnarsambandsins er að margra mati óskakandídat órólegu deildarinnar í ASÍ og hann svarar því hvort hann hyggist bjóða sig fram gegn Drífu Snædal í haust.

Þeir Steingrímur J. Sigfússon og Benedikt Jóhannnesson ætla að ræða stöðuna í Úkraínu og áhrif hennar á pólitíkina, á Evrópu, norðurslóðirnar og ekki síst áhrif þessa á íslenska utanríkispólitík sem áfram er í sviðsljósinu. 

Í lok þáttar mæta þær Kristín María Birgisdóttir, upplýsingafulltrúi Grindavíkur og Þuríður H. Aradóttir Braun forstöðumaður Markaðsstofu Reykjaness, en þær voru í fremstu línu þegar eldgosið á Reykjanesi breyttist úr náttúruvá í stærsta ferðamannastað landsins á örfáum dögum. 

Þetta gerðist fyrir sléttu ári. Hvað þurfti að gera til að taka á móti fólki og hvernig tókst til?