Kátur að vera kominn í eitt stærsta handboltafélag heims Ingvi Þór Sæmundsson skrifar 19. febrúar 2022 10:01 Bjarki Már Elísson ásamt László Nagy, íþróttastjóra Veszprém. veszprém Bjarki Már Elísson kveðst afar ánægður með að hafa samið við ungverska stórliðið Veszprém. Bjarki hefur skrifað undir tveggja ára samning við Veszprém og gengur í raðið liðsins frá Lemgo í sumar. Hann hefur leikið með Lemgo undanfarin þrjú tímabil en greindi frá því fyrir EM að hann myndi að róa á önnur mið í sumar. Hann var þá ekki kominn með samning hjá öðru félagi. „Ég fékk bara skilaboð frá umboðsmanninum mínum að Veszprém hefði áhuga og þá gerðist þetta hratt. Þetta kom upp fyrir tveimur eða þremur vikum, stuttu eftir EM. Ég var strax áhugasamur enda eitt stærsta handboltafélag heims. Ég er bara glaður að þetta hafi gengið í gegn,“ sagði Bjarki um aðdraganda félagaskiptanna í samtali við Vísi í gær. Sáttur í Ungverjalandi Allir leikir Íslands á EM fóru fram í Búdapest í Ungverjalandi. Var hann svona ánægður þar að hann vildi flytja til Ungverjalands? „Ég kunni vel við mig þarna. Þetta er fínn staður. Ég sá reyndar voða lítið annað en hótelið og keppnishöllina. En konan mín var þarna og hún gaf Búdapest mjög góða einkunn,“ sagði Bjarki léttur en sem kunnugt er þurfti hann að dúsa í einangrun í viku á EM. Veszprém kom inn í myndina hjá Bjarka eftir Evrópumótið.getty/Sanjin Strukic „En mér er svo sem alveg sama hvar ég er staðsettur. Þetta snýst bara um að mig langaði að spila í einu af bestu liðum heims og fannst ég hafa getuna í það. Mig langaði líka að spila í Meistaradeildinni sem ég hef aldrei prófað. Þetta hakaði í flest boxin,“ sagði Bjarki. Að hans sögn hafði hann ýmsa kosti í stöðunni en enginn var jafn spennandi og Veszprém. „Það var áhugi einhvers staðar frá en ekkert sem var komið lengra. Það var líka frá mér, það voru lið sem voru ekki á þessu kaliberi. Ég var ekki tilbúinn að skoða það strax og ýtti því eiginlega frá mér,“ sagði Bjarki. Öðruvísi hlutverk Hjá Veszprém mun Bjarki deila stöðu vinstri hornamanns með Króatanum öfluga Manuel Strlek. Hann þarf því að venjast nýjum veruleika en hjá Lemgo spilar hann nánast hverja einustu mínútu. Bjarki fyllir skarð Norður-Makedóníumannsins Dejans Manaskov hjá Veszprém.getty/Kolektiff Images „Þeir fá mig því það hefur gengið vel hjá mér og ég skorað mikið af mörkum. Ég býst við því að það verði áfram mitt hlutverk. Þeir eru með annan frábæran hornamann þannig að þetta verður öðruvísi staða en ég er í núna. Ég get ekki gengið að því vísu að spila sextíu mínútur í leik eins og núna og þetta er hörku samkeppni. Hlutverkið verður öðruvísi en gaman að takast á við það. Ég hef alveg verið í svona stöðu áður,“ sagði Bjarki. Enn sannfærðari eftir að hafa talað við Aron Hann verður annar Íslendingurinn til að leika með Veszprém. Landsliðsfyrirliðinn Aron Pálmarsson var á mála hjá félaginu á árunum 2015-17. Bjarki heyrði í Aroni áður en hann skrifaði undir hjá Veszprém og hann gaf félaginu góð mæðmæli. Aron Pálmarsson varð tvisvar sinnum ungverskur meistari með Veszprém og var hársbreidd frá því að vinna Meistaradeild Evrópu með liðinu.getty/Juergen Schwarz „Hann bar félaginu söguna vel. Honum leið vel þarna þótt hann hafi viljað fara áður en samningurinn hans rann út. Það er mikið lagt upp úr því að leikmönnum líði vel þarna og mikið gert fyrir þá. Eftir að hafa rætt við Aron var ég enn sannfærðari um að þetta væri rétta skrefið,“ sagði Bjarki. Orðsporið skiptir máli Hann hefur átt afar góðu gengi að fagna með Lemgo, varð markakóngur þýsku úrvalsdeildarinnar fyrsta tímabilið sitt hjá liðinu og varð svo bikarmeistari með því á síðasta tímabili. Bjarki er fjórði markahæstur í þýsku úrvalsdeildinni sem stendur.vísir/vilhelm Lemgo er í 9. sæti þýsku deildarinnar en Evrópusæti er ekki fjarlægur möguleiki. Lemgo er einnig komið í átta liða úrslit bikarkeppninnar, þar sem liðið mætir Melsungen sem það vann í bikarúrslitum á síðasta tímabili, og komið áfram í Evrópudeildinni. „Maður hefur alltaf viljað skilja eftir gott orðspor á þeim stöðum sem maður hefur verið á. Ég geri allt sem ég get til að skila mínu hlutverki áfram eins og ég hef gert,“ sagði Bjarki sem hefur leikið í Þýskalandi frá 2013, fyrst með Eisenach, svo Füchse Berlin og loks Lemgo. Ungverski handboltinn Þýski handboltinn Mest lesið Arnari gekk illa að ná í þunna Víkinga Íslenski boltinn Tindastóll - Keflavík | Stólarnir bjóða Keflvíkinga velkomna í Síkið Körfubolti „Ég var mjög leið og bara ótrúlega vonsvikin“ Sport Grétar Rafn gæti gert Gerrard að stjóra Rangers Fótbolti „Getum eyðilagt drauma Úkraínu á morgun“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Gæti lamast eftir árekstur við auglýsingaskilti Fótbolti Sir Jim Ratcliffe: Amorim þarf þrjú ár til að sanna sig Enski boltinn Fleiri fréttir Nýliðarnir hársbreidd frá sigri í Krikanum Guðjón og Arnór stýrðu til sigurs í Þýskalandi Valur - Afturelding | Ósigrað topplið heimsækir Hlíðarenda Sammála Snorra: „Alltaf á hreinu að við vorum á sömu blaðsíðunni“ Nýtur sín vel í sterkari deild: „Alveg sannfærður um að ég hafi valið vel“ Anton og Jónas áfram fastagestir á EM Skilur ekki hvernig var hægt að breyta víti í markmannskast ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Selfoss úr leik þrátt fyrir sigur Misjafnt gengi Íslendingaliðanna Valur áfram eftir góðan sigur KA áfram eftir þægilegan sigur í Eyjum Ómar Ingi frábær með Magdeburg í naumum sigri Haukar og Fram með mikilvæga sigra Tíu íslensk mörk í góðum sigri toppliðsins „Það var smá stress og drama“ Afturelding áfram með fullt hús stiga Sjá meira
Bjarki hefur skrifað undir tveggja ára samning við Veszprém og gengur í raðið liðsins frá Lemgo í sumar. Hann hefur leikið með Lemgo undanfarin þrjú tímabil en greindi frá því fyrir EM að hann myndi að róa á önnur mið í sumar. Hann var þá ekki kominn með samning hjá öðru félagi. „Ég fékk bara skilaboð frá umboðsmanninum mínum að Veszprém hefði áhuga og þá gerðist þetta hratt. Þetta kom upp fyrir tveimur eða þremur vikum, stuttu eftir EM. Ég var strax áhugasamur enda eitt stærsta handboltafélag heims. Ég er bara glaður að þetta hafi gengið í gegn,“ sagði Bjarki um aðdraganda félagaskiptanna í samtali við Vísi í gær. Sáttur í Ungverjalandi Allir leikir Íslands á EM fóru fram í Búdapest í Ungverjalandi. Var hann svona ánægður þar að hann vildi flytja til Ungverjalands? „Ég kunni vel við mig þarna. Þetta er fínn staður. Ég sá reyndar voða lítið annað en hótelið og keppnishöllina. En konan mín var þarna og hún gaf Búdapest mjög góða einkunn,“ sagði Bjarki léttur en sem kunnugt er þurfti hann að dúsa í einangrun í viku á EM. Veszprém kom inn í myndina hjá Bjarka eftir Evrópumótið.getty/Sanjin Strukic „En mér er svo sem alveg sama hvar ég er staðsettur. Þetta snýst bara um að mig langaði að spila í einu af bestu liðum heims og fannst ég hafa getuna í það. Mig langaði líka að spila í Meistaradeildinni sem ég hef aldrei prófað. Þetta hakaði í flest boxin,“ sagði Bjarki. Að hans sögn hafði hann ýmsa kosti í stöðunni en enginn var jafn spennandi og Veszprém. „Það var áhugi einhvers staðar frá en ekkert sem var komið lengra. Það var líka frá mér, það voru lið sem voru ekki á þessu kaliberi. Ég var ekki tilbúinn að skoða það strax og ýtti því eiginlega frá mér,“ sagði Bjarki. Öðruvísi hlutverk Hjá Veszprém mun Bjarki deila stöðu vinstri hornamanns með Króatanum öfluga Manuel Strlek. Hann þarf því að venjast nýjum veruleika en hjá Lemgo spilar hann nánast hverja einustu mínútu. Bjarki fyllir skarð Norður-Makedóníumannsins Dejans Manaskov hjá Veszprém.getty/Kolektiff Images „Þeir fá mig því það hefur gengið vel hjá mér og ég skorað mikið af mörkum. Ég býst við því að það verði áfram mitt hlutverk. Þeir eru með annan frábæran hornamann þannig að þetta verður öðruvísi staða en ég er í núna. Ég get ekki gengið að því vísu að spila sextíu mínútur í leik eins og núna og þetta er hörku samkeppni. Hlutverkið verður öðruvísi en gaman að takast á við það. Ég hef alveg verið í svona stöðu áður,“ sagði Bjarki. Enn sannfærðari eftir að hafa talað við Aron Hann verður annar Íslendingurinn til að leika með Veszprém. Landsliðsfyrirliðinn Aron Pálmarsson var á mála hjá félaginu á árunum 2015-17. Bjarki heyrði í Aroni áður en hann skrifaði undir hjá Veszprém og hann gaf félaginu góð mæðmæli. Aron Pálmarsson varð tvisvar sinnum ungverskur meistari með Veszprém og var hársbreidd frá því að vinna Meistaradeild Evrópu með liðinu.getty/Juergen Schwarz „Hann bar félaginu söguna vel. Honum leið vel þarna þótt hann hafi viljað fara áður en samningurinn hans rann út. Það er mikið lagt upp úr því að leikmönnum líði vel þarna og mikið gert fyrir þá. Eftir að hafa rætt við Aron var ég enn sannfærðari um að þetta væri rétta skrefið,“ sagði Bjarki. Orðsporið skiptir máli Hann hefur átt afar góðu gengi að fagna með Lemgo, varð markakóngur þýsku úrvalsdeildarinnar fyrsta tímabilið sitt hjá liðinu og varð svo bikarmeistari með því á síðasta tímabili. Bjarki er fjórði markahæstur í þýsku úrvalsdeildinni sem stendur.vísir/vilhelm Lemgo er í 9. sæti þýsku deildarinnar en Evrópusæti er ekki fjarlægur möguleiki. Lemgo er einnig komið í átta liða úrslit bikarkeppninnar, þar sem liðið mætir Melsungen sem það vann í bikarúrslitum á síðasta tímabili, og komið áfram í Evrópudeildinni. „Maður hefur alltaf viljað skilja eftir gott orðspor á þeim stöðum sem maður hefur verið á. Ég geri allt sem ég get til að skila mínu hlutverki áfram eins og ég hef gert,“ sagði Bjarki sem hefur leikið í Þýskalandi frá 2013, fyrst með Eisenach, svo Füchse Berlin og loks Lemgo.
Ungverski handboltinn Þýski handboltinn Mest lesið Arnari gekk illa að ná í þunna Víkinga Íslenski boltinn Tindastóll - Keflavík | Stólarnir bjóða Keflvíkinga velkomna í Síkið Körfubolti „Ég var mjög leið og bara ótrúlega vonsvikin“ Sport Grétar Rafn gæti gert Gerrard að stjóra Rangers Fótbolti „Getum eyðilagt drauma Úkraínu á morgun“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Gæti lamast eftir árekstur við auglýsingaskilti Fótbolti Sir Jim Ratcliffe: Amorim þarf þrjú ár til að sanna sig Enski boltinn Fleiri fréttir Nýliðarnir hársbreidd frá sigri í Krikanum Guðjón og Arnór stýrðu til sigurs í Þýskalandi Valur - Afturelding | Ósigrað topplið heimsækir Hlíðarenda Sammála Snorra: „Alltaf á hreinu að við vorum á sömu blaðsíðunni“ Nýtur sín vel í sterkari deild: „Alveg sannfærður um að ég hafi valið vel“ Anton og Jónas áfram fastagestir á EM Skilur ekki hvernig var hægt að breyta víti í markmannskast ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Selfoss úr leik þrátt fyrir sigur Misjafnt gengi Íslendingaliðanna Valur áfram eftir góðan sigur KA áfram eftir þægilegan sigur í Eyjum Ómar Ingi frábær með Magdeburg í naumum sigri Haukar og Fram með mikilvæga sigra Tíu íslensk mörk í góðum sigri toppliðsins „Það var smá stress og drama“ Afturelding áfram með fullt hús stiga Sjá meira