Atletico heldur áfram að fjarlægast toppliðin eftir tap gegn botnliðinu

Leikurinn var ekki beint mikið fyrir augað og fór það svo að aðeins eitt mark var skorað.

Það gerði Gonzalo Melero fyrir gestina frá Levante snemma í síðari hálfleik og tryggði liði sínu sjaldséðan sigur en Levante er langneðst í deildinni og var þetta aðeins annar sigur liðsins á tímabilinu.

Lærisveinum Diego Simeone hefur aldeilis fatast flugið að undanförnu og situr nú í 5.sæti deildarinnar, fimmtán stigum á eftir nágrönnum sínum í Real Madrid sem tróna á toppnum.