Fótbolti

Spánarmeistararnir léku sér að þriðju deildarliði

Hjörtur Leó Guðjónsson skrifar
Luis Suarez skoraði þriðja mark Atlético Madrid.
Luis Suarez skoraði þriðja mark Atlético Madrid. Diego Souto/Quality Sport Images/Getty Images

Spánarmeistarar Atlético Madrid áttu ekki í neinum vandræðum með að tryggja sér sæti í 16-liða úrslitum spænsku bikarkeppninnar Copa del Rey, en liðið vann í kvöld 5-0 útisigur gegn C-deildarliði Rayo Majadahonda.

Matheus Cunha kom gestunum yfir á 17. mínútu áður en Renan Lodi tvöfaldaði forystuna níu mínútum síðar.

Luis Suarez skoraði svo þriðja mark meistaranna stuttu fyrir hálfleik og staðan var því 3-0 þegar gengið var til búningsherbergja.

Antoine Griezmann kom gestunum í 4-0 þegar rúmar tuttugu mínútur voru til leiksloka áður en Joao Felix gulltryggði 5-0 sigur Atlético Madrid stuttu fyrir leikslok.

Spænski boltinn

Mest lesið


Fleiri fréttir

Sjá meira


×

Mest lesið