Van Dijk: Þetta var frábært skot

Hollendingurinn var til viðtals eftir leik við sjónvarpsstöðina Sky og var sáttur við leik sinna manna þrátt fyrir að vera ósáttur við að hafa ekki unnið.

„Auðvitað vilt þú ekki fá á þig mark í fyrri hálfleik eftir að hafa komist yfir, hvað þá tvö mörk. Því miður gerðst það og þetta var frábært skot hjá [Mateo] Kovacic, maður verður að gefa honum það. Þetta mark gaf þeim sjálfstraust og þeir skoruðu fljótlega í kjölfarið“, sagði Van Dijk.

Hann hélt svo áfram en viðurkenndi að leikurinn hafi verið frábær skemmtun.

„Við reyndum að halda haus og náðum nokkrum sinnum að koma okkur í frábærar stöður í síðari hálfleiknum og þeir náðu líka að setja pressu á okkur. Fyrir utanaðkomandi var þetta sennilega mjög skemmtilegur leikur. En við komum hér til þess að sækja þrjú stig sem gekk ekki“, sagði Virgil Van Dijk.