Kona um sex­tugt skuld­laus eftir að hafa landað 53 milljóna vinningi

Þetta kemur fram í tilkynningu frá Íslenskri getspá. Þar segir að hún hafi verið í áskrift en potturinn var fjórfaldur.

„Konan var að sjálfsögðu alsæl með vinninginn. Hún lét þess sérstaklega getið þau hjónin hefðu nýverið farið vandlega yfir fjárhagsstöðu sína og sett sér markmið um að greiða upp öll lán með markvissum hætti til að verða algjörlega skuldlaus árið 2029. Skemmst er frá því að segja að biðin eftir þessu markmiði hefur styst svo um munar,“ segir í tilkynningunni.