Innlent

Mögulegt verkfall í miðri loðnuvertíð til umræðu á þingi SSÍ

Hólmfríður Gísladóttir skrifar
Loðnuveiðarnar eru gríðarlega mikilvægar og ljóst að skaðinn af verkfalli yrði verulegur.
Loðnuveiðarnar eru gríðarlega mikilvægar og ljóst að skaðinn af verkfalli yrði verulegur. Vísir/Sigurjón

Að sögn Valmundar Valmundarsonar, formanns Sjómannasambands Íslands, er lítil hreyfing á kjaraviðræðum við Samtök fyrirtækja í sjávarútvegi. Verkfallsboðun verði meðal þess sem rætt verður á þingi sambandsins á fimmtudag og föstudag.

Frá þessu greinir Morgunblaðið.

Þar segir að tímasetning mögulegs verkfalls gæti tengst loðnuvertíðinni í vetur. 

Deila sjómanna SSÍ og SFS er nú á borði ríkissáttasemjara en Valmundur segir síðustu fundi hafa verið stutta. Helstu kröfur snúist um lífeyrisréttindi og önnur mál sem aðrir launþegar hafi náð fram með lífskjarasamningunum.

Valmundur býður sig fram til endurkjörs á þinginu en hann hefur sinnt formannsembættinu frá 2014. Enn sem komið er er hann einn í framboði.

Vinnumarkaður Sjávarútvegur Loðnuveiðar

Mest lesið


Fleiri fréttir

Sjá meira


×

Mest lesið