Madrídingar svöruðu fyrir tapið í seinustu umferð með stórsigri

Real Madrid tapaði óvænt á heimavelli gegn Sheriff í síðasta leik í Meistaradeild Evrópu en bætti upp fyrir það með 5-0 útisigri gegn Shaktar Donetsk í kvöld.

Sergey Krivtsov skorðai fyrsta mark leiksins á 37. mínútu. Hann fór þó ekki alveg rétt að, en hann setti boltann í eigið net og staðan var því 1-0, Madrídingum í vil, þegar flautað var til hálfleiks.

Vinicius Junior tvöfaldaði forystu Real Madrid á 51. mínútu, áður en hann skoraði þriðja mark liðsins fimm mínútum síðar.

Á 65. mínútu var staðan orðin 4-0 eftir mark frá Rodrygo, en áðurnefndur Vinicius Junior lagði það mark upp.

Karim Benzema gerði svo algjörlega út um leikinn í uppbótartíma þegar hann tryggði Real Madrid 5-0 sigur.

Madridingar eru nú í öðru sæti D-riðils með sex stig, jafn mörg stig og moldóvska liðið Sheriff. Shaktar Donetsk er hins vegar í fjórða og neðsta sæti með aðeins eitt stig.

Úrlsit kvöldsins