LNG og DetonatioN FocusMe tryggðu sér sigur í undanriðlunum og þar af leiðandi fengu þau sæti í riðlakeppninni. Sex lið fóru í umspil um tvö laus sæti í riðlakeppninni, og eftir virkilega jafnar og spennandi viðureignir í undanúrslitunum tryggðu Cloud9 og Hanwha Life sér lausu sætin tvö með yfirburðar sigrum í úrslitunum.
Alls verða spilaðir átta leikir í dag, en öll 16 liðin sem unnu sér inn sæti í riðlakeppninni leika einn leik.
Opnunarleikur riðlakeppninnar er ekki af verri endanum. Ríkjandi heimsmeistarar í DWG KIA hefja leik gegn kínverska stórliðinu FunPlus Phoenix, FPX, í dauðariðlinum.
Annar leikur dagsins er viðureign Royal Never Give Up og PSG Talon, en þessi lið mættust í undanúrslitum MSI sem haldið var hér á Íslandi í vor. Þar fór Royal Never Give Up með 3-1 sigur og endaði svo á að vinna mótið. Liðsmenn PSG Talon vilja líklega hefna fyrir það tap.
Hanwha Life mætir svo evrópska liðinu Fnatic í leik númer þrjú, áður en Gen.G og LNG eigast við í fjórðu viðureign dagsins.
Gamla stórveldið T1 mætir DetonatioN FocusMe í fimmta leik dagsins, en það bíða eflaust margir í eftirvæntingu eftir þeirri viðureign. T1, sem var áður þekkt sem SKT eða SK Telecom, missti af sæti á heimsmeistaramótinu í fyrra, en liðið hefur unnið heimsmeistaratitilinn þrisvar, oftar en nokkuð annað lið í sögunni.
Á eftir þeirri viðureign er komið að kínversku meisturunum í EDward gaming, en þeir mæta bandaríska liðinu 100 Thieves.
Seinustu tvær viðureignir dagsins bjóða svo upp á baráttu á milli Evrópu og Bandaríkjanna. Næst síðasti leikur dagsins er viðuregin Team Liquid og MAD Lions, áður en Rogue og Cloud9 loka deginum.
The #Worlds2021 Groups! pic.twitter.com/9Q1gMf9JB9
— LoL Esports (@lolesports) October 9, 2021
Heimsmeistaramótið í League of Legends er sýnt í beinni útsendingu á Stöð 2 eSport, en fyrsti leikur dagsins hefst klukkan 11:00.
Leikir dagsins
11:00: DWG KIA - FPX (A-riðill)
12:00: Royal Never Give Up - PSG Talon (C-riðill)
13:00: Hanwha Life Esports - Fnatic (Criðill)
14:00: LNG Esports - Gen.G (D-riðill)
15:00: DetonatioN FocusMe - T1 (B-riðill)
16:00: EDward Gaming - 100 Thieves (B-riðill)
17:00: Team Liquid - MAD Lions (D-riðill)
18:00: Rogue - Clod9 (A-riðill)