Sport

Nokkrir áttu góða helgi í NFL fyrir viku síðan en enn fleiri áttu slæma helgi

Óskar Ófeigur Jónsson skrifar
Taysom Hill, leikstjórnandi hjá New Orleans Saints, hljóp hreinlega yfir mann og annan í leiknum á móti New York Giants um síðustu helgi.
Taysom Hill, leikstjórnandi hjá New Orleans Saints, hljóp hreinlega yfir mann og annan í leiknum á móti New York Giants um síðustu helgi. AP/Brett Duke

Tveir leikir verða sýndir beint í ameríska fótbotanum í dag og til að hita upp fyrir leiki dagsins er upplagt að skoða einn tilþrifapakka úr uppgjörsþættinum um fjórðu umferð NFL deildarinnar.

Flest NFL-liðin leika sinn fimmta leik á tímabilinu í dag en það er alltaf af nógu að taka þegar kemur af flottum eða fyndnum tilþrifum frá leikjum ameríska fótboltans.

Lokasóknin á Stöð 2 Sport gerir upp hverja umferð í NFL-deildinni og eins og venjan er þá var farið yfir það í vikunni hverjir áttu góða og slæma helgi í NFL-deildinni í síðustu viku.

Henry Birgir Gunnarsson var að þessu sinni með þá Magnús Sigurjón Guðmundsson, betur þekktur sem Maggi Peran, og Gunnar Ormslev með sér í þættinum.

Strákarnir skemmtu sér vel yfir tilþrifunum sem skiptust á að vera stórkostleg og skrautleg. Það má finna þessa samantekt hér fyrir neðan.

Tveir leikir verða sýndir beint úr NFL deildinni á Stöð 2 Sport 2 í dag en sá fyrri er leikur Cincinnati Bengals og Green Bay Packers klikkan 17.00 en sá síðari er leikur Arizona Cardinals og San Francisco 49ers klukkan 20.20.

Klippa: Lokasóknin: Góð og slæm helgi í viku fjögur í NFL 2021
NFL Lokasóknin

Mest lesið


Fleiri fréttir

Sjá meira


×

Mest lesið