Bein út­sending: Kvöld­fréttir Stöðvar 2

Sýnt verður frá óveðrinu í kvöldfréttum Stöðvar. Við verðum hjá Slysavarnafélaginu Landsbjörgu og ræðum um verkefni viðbragðsaðila.

Annmarkar á framkvæmd kosninganna í Norðvesturkjördæmi eru enn að koma fram að mati frambjóðanda sem undirbýr kæru til Alþingis. Hann segir pólitíska hagsmuni ekki mega koma í veg fyrir sanngjarna meðferð. Landskjörstjórn fundar nú um framkvæmd kosninganna. Við verðum þar í beinni útsendingu við fundinn og grípum nefndarmenn um leið og hann klárast.

Formaður Sjálfstæðisflokksins telur líklegt að stokkað verði upp í ráðuneytum milli flokka ef stjórnarflokkunum tekst að ná saman um nýjan stjórnarsáttmála. Formenn flokkanna gefa sér fram yfir helgi til að kanna grundvöll áframhaldandi samstarfs og ræða ekki við aðra á meðan.

Einnig segjum við frá tugmilljóna króna mislukkaðri framkvæmd í Beiðholti, viðbrögðum Maskín við gagnrýni á kannanir í aðdraganda kosninga og nýjung við matarinnkaup.

Þetta og fleira á samtengdum rásum Bylgjunnar og Stöðvar 2 klukkan 18:30.

Kvöldfréttirnar eru í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.