Innlent

Kvöldfréttir Stöðvar 2

Elma Rut Valtýsdóttir skrifar
Sindri Sindrason les fréttir á Stöð 2 í kvöld.
Sindri Sindrason les fréttir á Stöð 2 í kvöld.

Í kvöldfréttum Stöðvar 2 segjum við frá því að þrír starfsmenn heilbrigðisstofnunar Suðurnesja hafa verið kærðir til lögreglu vegna meintra mistaka og vanrækslu. Málið varðar andlát hinnar 73 ára gömlu Dönu Kristínar Jóhannsdóttur sem talin er hafa verið sett í lífslokameðferð á Heilbrigðisstofnun Suðurnesja að tilefnislausu.

Við ræðum einnig við sóttvarnalækni sem skoðar nú hvort rýmka megi sóttvarnareglur. Hann horfir þar til notkunar sjálfssprófa en skólahald hófst í dag þar sem allt kapp er lagt á að lágmarka fjölda í sóttkví. Við fáum einnig að heyra af því hvernig bólusetning barna í Laugardalshöll gekk í dag og kynnum okkur sjálfsprófin sem heilbrigðisráðherra hefur heimilað.

Þá segjum við frá rannsókn lögreglu á árás hóps unglinga á íbúa í Kórahverfinu um miðjan mánuðinn. Myndbönd hafa gengið um samfélagsmiðla af árásinni en unglingarnir létu höggin dynja á andliti íbúans.

Þetta og margt fleira í fréttum okkar í kvöld.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið