Freyja laumaði sér inn í viðtal Morning Chalk Up við Anníe Mist og stal senunni Óskar Ófeigur Jónsson skrifar 20. ágúst 2021 08:30 Justin LoFranco og Anníe Mist Þórisdóttir ræða málin en Freyja Mist er þarna nýbúin að gera eitthvað fyndið og fá þau bæði til að hlæja. Skjámynd/Youtube Anníe Mist lokar ekki á það að mæta á heimsleikana í CrossFit á næsta ári. Hún gerði upp heimsleikana og ræddi framtíðina í viðtali við Justin LoFranco hjá Morning Chalk Up. Þetta var erfitt og óvenjulegt ár hjá Anníe Mist eins og hún hefur oft rætt um. Hún eignaðist barn 10. ágúst 2020 en fæðingin var mjög erfið og Anníe missti mikið blóð. Það gerði fyrstu mánuðina eftir fæðinguna mjög erfiða ekki síst fyrir íþróttkonu sem ætlaði sér að keppa við þær hraustust í heimi nokkrum mánuðum síðar. Eins og allir vita gerði hún miklu meira en að keppa á heimsleiknum því hún komst á verðlaunapallinn í sjötta sinn á sínum ferli. Magnaður árangur sem hefur vakið mikla athygli erlendis, líka utan CrossFit heimsins. View this post on Instagram A post shared by Morning Chalk Up (@morningchalkup) Anníe fór að sjálfsögðu yfir þetta allt saman í viðtalinu en hún ræddi líka ákvörðunina að fara til Bandaríkjanna án dóttur sinnar sem var líka mjög erfið ákvörðun fyrir hana. „Það var erfiðara að skilja hana eftir en ég bjóst við. Mér fannst það stundum svolítið kjánalegt þegar konur áttu erfitt með að skilja börnin sín eftir í smá tíma. Ekki það að ég sé að dæma þær en þá bjóst ég ekki við að líða þannig,“ sagði Anníe Mist. Freyja Mist varð eftir hjá foreldrum hennar en Frederik Ægidius fór með Anníe út. Fyrstu heimsleikarnir sem foreldrarnir voru ekki í stúkunni Þetta var þannig í fyrsta sinn sem Anníe keppti á heimsleikunum án þess að foreldrar hennar væru í stúkunni. „Ég vildi ekki hugsa út í þetta í aðdraganda leikanna og var alltaf vongóð um að allir gætu komist með út, annað hvort myndi Bandaríkin opna eða að við fengjum öll vegabréfsáritun. Ég vildi ekki hugsa um það því þá færi ég bara að gráta,“ sagði Anníe. „Þegar kom að þessu þá ætlaði ég bara að harka af mér. Ég sagði samt við Frederik í flugvélinni á leiðinni út að ef ég vildi fara heim á morgun þá þyrftum við að fara heim á morgun. Hann sagði: Já, ég veit það,“ sagði Anníe. watch on YouTube „Ég hugsaði um þetta eins og eina langa helgi því foreldrar mínir höfðu einu sinni verið með hana yfir eina helgi þegar ég keppti í undanúrslitunum. Þá var ég bara í burtu í tvær nætur og það var erfitt. Þá tók ég bara eina nótt í einu. Ég hugsaði: Ég get þetta í eina helgi, svo breytti ég því í eina langa helgi og svo í viku. Þá var bara vika eftir og ég vissi líka að hún hefði ekki haft gaman af því að vera úti á heimsleikunum því ég hefði ekkert getað verið með henni,“ sagði Anníe. Of erfitt að tala við Köru sem var í sömu stöðu „Þetta var erfiðara en ég bjóst við og ég þurfti að fá að tala við hana á hverjum morgni og var alltaf að horfa á myndbönd með henni. Þetta var ný staða fyrir mig,“ sagði Anníe. Anníe sagði líka að hún og Kara Saunders frá Ástralíu, sem þurfti líka að skilja dóttur sína eftir heima, töldu það réttast að ræða ekki mikið móðurtilfinningarnar í miðri keppni. Þær táruðust nefnilega um leið sem gerði slíkt tal svo miklu erfiðara. Anníe viðurkenndi samt í viðtalinu að staða Köru hefði verið allt önnur og erfiðari enda fékk Kara dóttur sína ekki í fangið fyrr en fimmtán dögum eftir að Anníe og Freyja voru sameinaðar á ný. View this post on Instagram A post shared by Annie Thorisdottir (@anniethorisdottir) Umrædd Freyja Mist laumaði sér síðan inn í viðtalið undir lokin og einmitt þegar Anníe var að ræða framtíðina sína. Freyja stal auðvitað senunni enda lítur út fyrir það að hún sé jafn hress og glaðvær og móðir sín. Justin LoFranco spurði Anníe út í framhaldið en hún ætlar líklega næst að keppa á Rogue Invitational mótinu sem fer fram í nágrenni Austin í Texas fylki 29. til 31. október næstkomandi. Allt fer það eftir því hvernig henni líði þegar hún byrjar á fullu að æfa aftur. En verður Anníe með á næstu heimsleikunum? Hefur ekki ákveðið neitt „Ég hef ekki tekið neina ákvörðun. Frá árinu 2013 þá hef ég alltaf tekið bara eitt ár i einu og það verður eins núna. Ef þetta ár verður eins og hin þá sérðu mig aftur á heimsleikunum því mér líður vel. Ég elska að æfa og mér leið mjög vel bæði líkamlega og andlega eftir þessa heimsleika. Hver veit en þú sérð mig líklega þar,“ sagði Anníe. Freyja Mist fékk bæði mömmu sína og Justin til að brosa út að eyrum enda hafði hún gaman af því að sjá sig á skjánum. Hér fyrir ofan má sjá allt viðtalið en hér fyrir neðan er þegar Freyja Mist kemur inn í viðtalið. CrossFit Mest lesið Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn Baulað á Figo í Barcelona: „Portúgalinn er ekki velkominn hér“ Fótbolti „Ótrúlega gaman að sjá þessa stelpu dafna“ Íslenski boltinn Bjarni Jó kveður Selfoss Íslenski boltinn Uppgjörið: Keflavík - Valur 79-88 |Frábær endurkomusigur hjá Val Körfubolti Dagskráin í dag: Skiptiborðið og Blikar í Evrópu Sport Valur vann stigalausu Stjörnuna Handbolti De Bruyne lagði tvisvar upp fyrir Højlund Fótbolti „Ég myndi frekar vilja vinna svona en að vera yfir allan leikinn“ Sport Evrópumeistararnir með endurkomusigur gegn Barcelona Fótbolti Fleiri fréttir Baulað á Figo í Barcelona: „Portúgalinn er ekki velkominn hér“ Dagskráin í dag: Skiptiborðið og Blikar í Evrópu Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ Uppgjörið: Keflavík - Valur 79-88 |Frábær endurkomusigur hjá Val Valur vann stigalausu Stjörnuna „Ég myndi frekar vilja vinna svona en að vera yfir allan leikinn“ Beeman gekk frá fyrrum félögum De Bruyne lagði tvisvar upp fyrir Højlund Sandra með stórleik í sigri gegn Selfossi Stórleikur Hauks dugði ekki til sigurs Elín Klara markahæst hjá toppliðinu Dier stal stigi af svekktum City mönnum Ödegaard lagði Skytturnar upp til sigurs Evrópumeistararnir með endurkomusigur gegn Barcelona Íslendingaliðið í undanúrslit Stólarnir sóttu sigur til Slóvakíu í fyrsta leik Stjarnan - FH 3-4 | FH endurheimti annað sætið Öruggt hjá Skjórunum en óvíst hver skoraði Verður sá síðasti í sögunni til að spila í treyju númer sex Arftaki Heimis fundinn: „Alltaf áhætta að gera breytingar“ Jón vísar ummælum Rögnvaldar til föðurhúsanna „Mjög súr og dapur þegar hann hringdi í mig“ Erfitt að yfirgefa Þrótt en starfið hjá KSÍ of spennandi til að hafna því Tilfinningaþrungin stund eftir hörmungar síðustu ára Arnar: Aðrir leikmenn framar en Jóhann Orri, Jóhann og Gylfi ekki með en Aron valinn Svona var fundur KSÍ þegar Arnar tilkynnti landsliðshópinn Drama í sænska landsliðinu: „Hann hefur svikið liðsfélaga sína“ Sjá meira
Þetta var erfitt og óvenjulegt ár hjá Anníe Mist eins og hún hefur oft rætt um. Hún eignaðist barn 10. ágúst 2020 en fæðingin var mjög erfið og Anníe missti mikið blóð. Það gerði fyrstu mánuðina eftir fæðinguna mjög erfiða ekki síst fyrir íþróttkonu sem ætlaði sér að keppa við þær hraustust í heimi nokkrum mánuðum síðar. Eins og allir vita gerði hún miklu meira en að keppa á heimsleiknum því hún komst á verðlaunapallinn í sjötta sinn á sínum ferli. Magnaður árangur sem hefur vakið mikla athygli erlendis, líka utan CrossFit heimsins. View this post on Instagram A post shared by Morning Chalk Up (@morningchalkup) Anníe fór að sjálfsögðu yfir þetta allt saman í viðtalinu en hún ræddi líka ákvörðunina að fara til Bandaríkjanna án dóttur sinnar sem var líka mjög erfið ákvörðun fyrir hana. „Það var erfiðara að skilja hana eftir en ég bjóst við. Mér fannst það stundum svolítið kjánalegt þegar konur áttu erfitt með að skilja börnin sín eftir í smá tíma. Ekki það að ég sé að dæma þær en þá bjóst ég ekki við að líða þannig,“ sagði Anníe Mist. Freyja Mist varð eftir hjá foreldrum hennar en Frederik Ægidius fór með Anníe út. Fyrstu heimsleikarnir sem foreldrarnir voru ekki í stúkunni Þetta var þannig í fyrsta sinn sem Anníe keppti á heimsleikunum án þess að foreldrar hennar væru í stúkunni. „Ég vildi ekki hugsa út í þetta í aðdraganda leikanna og var alltaf vongóð um að allir gætu komist með út, annað hvort myndi Bandaríkin opna eða að við fengjum öll vegabréfsáritun. Ég vildi ekki hugsa um það því þá færi ég bara að gráta,“ sagði Anníe. „Þegar kom að þessu þá ætlaði ég bara að harka af mér. Ég sagði samt við Frederik í flugvélinni á leiðinni út að ef ég vildi fara heim á morgun þá þyrftum við að fara heim á morgun. Hann sagði: Já, ég veit það,“ sagði Anníe. watch on YouTube „Ég hugsaði um þetta eins og eina langa helgi því foreldrar mínir höfðu einu sinni verið með hana yfir eina helgi þegar ég keppti í undanúrslitunum. Þá var ég bara í burtu í tvær nætur og það var erfitt. Þá tók ég bara eina nótt í einu. Ég hugsaði: Ég get þetta í eina helgi, svo breytti ég því í eina langa helgi og svo í viku. Þá var bara vika eftir og ég vissi líka að hún hefði ekki haft gaman af því að vera úti á heimsleikunum því ég hefði ekkert getað verið með henni,“ sagði Anníe. Of erfitt að tala við Köru sem var í sömu stöðu „Þetta var erfiðara en ég bjóst við og ég þurfti að fá að tala við hana á hverjum morgni og var alltaf að horfa á myndbönd með henni. Þetta var ný staða fyrir mig,“ sagði Anníe. Anníe sagði líka að hún og Kara Saunders frá Ástralíu, sem þurfti líka að skilja dóttur sína eftir heima, töldu það réttast að ræða ekki mikið móðurtilfinningarnar í miðri keppni. Þær táruðust nefnilega um leið sem gerði slíkt tal svo miklu erfiðara. Anníe viðurkenndi samt í viðtalinu að staða Köru hefði verið allt önnur og erfiðari enda fékk Kara dóttur sína ekki í fangið fyrr en fimmtán dögum eftir að Anníe og Freyja voru sameinaðar á ný. View this post on Instagram A post shared by Annie Thorisdottir (@anniethorisdottir) Umrædd Freyja Mist laumaði sér síðan inn í viðtalið undir lokin og einmitt þegar Anníe var að ræða framtíðina sína. Freyja stal auðvitað senunni enda lítur út fyrir það að hún sé jafn hress og glaðvær og móðir sín. Justin LoFranco spurði Anníe út í framhaldið en hún ætlar líklega næst að keppa á Rogue Invitational mótinu sem fer fram í nágrenni Austin í Texas fylki 29. til 31. október næstkomandi. Allt fer það eftir því hvernig henni líði þegar hún byrjar á fullu að æfa aftur. En verður Anníe með á næstu heimsleikunum? Hefur ekki ákveðið neitt „Ég hef ekki tekið neina ákvörðun. Frá árinu 2013 þá hef ég alltaf tekið bara eitt ár i einu og það verður eins núna. Ef þetta ár verður eins og hin þá sérðu mig aftur á heimsleikunum því mér líður vel. Ég elska að æfa og mér leið mjög vel bæði líkamlega og andlega eftir þessa heimsleika. Hver veit en þú sérð mig líklega þar,“ sagði Anníe. Freyja Mist fékk bæði mömmu sína og Justin til að brosa út að eyrum enda hafði hún gaman af því að sjá sig á skjánum. Hér fyrir ofan má sjá allt viðtalið en hér fyrir neðan er þegar Freyja Mist kemur inn í viðtalið.
CrossFit Mest lesið Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn Baulað á Figo í Barcelona: „Portúgalinn er ekki velkominn hér“ Fótbolti „Ótrúlega gaman að sjá þessa stelpu dafna“ Íslenski boltinn Bjarni Jó kveður Selfoss Íslenski boltinn Uppgjörið: Keflavík - Valur 79-88 |Frábær endurkomusigur hjá Val Körfubolti Dagskráin í dag: Skiptiborðið og Blikar í Evrópu Sport Valur vann stigalausu Stjörnuna Handbolti De Bruyne lagði tvisvar upp fyrir Højlund Fótbolti „Ég myndi frekar vilja vinna svona en að vera yfir allan leikinn“ Sport Evrópumeistararnir með endurkomusigur gegn Barcelona Fótbolti Fleiri fréttir Baulað á Figo í Barcelona: „Portúgalinn er ekki velkominn hér“ Dagskráin í dag: Skiptiborðið og Blikar í Evrópu Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ Uppgjörið: Keflavík - Valur 79-88 |Frábær endurkomusigur hjá Val Valur vann stigalausu Stjörnuna „Ég myndi frekar vilja vinna svona en að vera yfir allan leikinn“ Beeman gekk frá fyrrum félögum De Bruyne lagði tvisvar upp fyrir Højlund Sandra með stórleik í sigri gegn Selfossi Stórleikur Hauks dugði ekki til sigurs Elín Klara markahæst hjá toppliðinu Dier stal stigi af svekktum City mönnum Ödegaard lagði Skytturnar upp til sigurs Evrópumeistararnir með endurkomusigur gegn Barcelona Íslendingaliðið í undanúrslit Stólarnir sóttu sigur til Slóvakíu í fyrsta leik Stjarnan - FH 3-4 | FH endurheimti annað sætið Öruggt hjá Skjórunum en óvíst hver skoraði Verður sá síðasti í sögunni til að spila í treyju númer sex Arftaki Heimis fundinn: „Alltaf áhætta að gera breytingar“ Jón vísar ummælum Rögnvaldar til föðurhúsanna „Mjög súr og dapur þegar hann hringdi í mig“ Erfitt að yfirgefa Þrótt en starfið hjá KSÍ of spennandi til að hafna því Tilfinningaþrungin stund eftir hörmungar síðustu ára Arnar: Aðrir leikmenn framar en Jóhann Orri, Jóhann og Gylfi ekki með en Aron valinn Svona var fundur KSÍ þegar Arnar tilkynnti landsliðshópinn Drama í sænska landsliðinu: „Hann hefur svikið liðsfélaga sína“ Sjá meira