Innlent

Suðurlandið sker sig úr

Snorri Másson skrifar
Ef einhver er að elta veðrið, ætti hann að taka stefnuna á Kirkjubæjarklaustur.
Ef einhver er að elta veðrið, ætti hann að taka stefnuna á Kirkjubæjarklaustur. Vísir/Vilhelm

Veðrið ætti að vera best í kringum Kirkjubæjarklaustur í dag, þar sem búist er við að það fari upp í 22 eða 23 gráðu hita. Sömuleiðis er spáð miklum hita í Árnessýslu. Almennt ætti að sjást til sólar á sunnan- og vestanverðu landinu þegar kemur fram á daginn.

Í hugleiðingum veðurfræðings á Veðurstofunni kemur fram að búast megi við norðvestan golu eða kalda víðast hvar um landið, 5-10 metrum á sekúndu. 

Á norðaustanverðu landinu er skýjað og jafnvel má búast við vætu, en það er bjart með köflum í öðrum landshlutum. Hiti 10 til 22 stig en langhlýjast er á Suður- og Suðausturlandi.

Svipaður hiti á morgun og útlit fyrir vestlæga golu. Skýjað vestantil á landinu og einhver súldarvottur af og til. Á austanverðu landinu verður yfirleitt bjart, en sums staðar þokubakkar á sveimi við ströndina. Hiti 12 til 20 stig á morgun og áfram hlýjast á Suðausturlandi.

Veður

Mest lesið


Fleiri fréttir

Sjá meira


×

Mest lesið