Sjáðu öll sautján mörkin í tveimur leikjum Vals og Breiðabliks í sumar

Sjáðu öll sautján mörkin í tveimur leikjum Vals og Breiðabliks í sumar: Mætast í úrslitaleik mótsins í kvöld

Er enn einn markaveislan á leiðinni í kvöld? Ef það er eitthvað að marka fyrra innbyrðis leiki liðanna í sumar þá er von á mikilli skemmtun í stórleik kvöldsins.

Breiðablik tekur á móti Val í Pepsi deild kvenna í kvöld en það hefur ekki vantað mörkin í tveimur leikjum liðanna í sumar.

Blikar hafa unnið báða leikina, 7-3 í deildinni og 4-3 í bikarnum og verða að vinna í kvöld ætli þær að halda Íslandsmeistarabikarnum í Kópavoginum.

Sautján mörk í tveimur leikjum, ellefu frá Blikum og sex frá Val, gera 8,5 mörk í leik. Valskonur hafa ekki fengið neitt úr þessum tveimur leikjum þrátt fyrir að skora í þeim þrjú mörk í leik.

Valskonur hafa fjögurra stiga forskot á toppnum og geta því náð sjö stiga forystu með sigri í Smáranum í kvöld. Það fer því ekkert á milli mála að Valskonur geta svo gott sem tryggt sér Íslandsbikarinn með sigri.

Leikurinn hefst klukkan 19.15 og er sýndur beint á Stöð 2 Sport. Helena Ólafsdóttir hitar upp fyrir leikinn með Mist Rúnarsdóttur frá klukkan 19.00 og Guðmundur Benediktsson lýsir.

Vísir hefur tekið saman öll sautján mörkin í þessum tveimur leikjum liðanna og má sjá þau hér fyrir ofan.