Kvöldfréttir Stöðvar 2

Þá hefur fjórða bylgjan haft áhrif á ferðaplön Íslendinga. Margir hafa sett sig í samband við Neytendasamtökin vegna breytinga eða afpöntunar utanlandsferða. Í fréttatímanum verðum við í beinni útsendingu á þjóðveginum enda ljóst að Íslendingar eru á faraldsfæti þessa helgina þótt þeir vilji fresta utanlandsferðum. Við tökum stöðuna á Selfossi þar sem hefur verið mikil umferð í dag og síðustu daga.

Í fréttatímanum fjöllum við einnig um ný lög í Noregi sem skylda áhrifavalda að merkja myndir sem búið er að eiga við. Íslenskur áhrifavaldur er ekki spenntur fyrir slíkri löggjöf hér á landi og vill fremur að áhersla sé lögð á fræðslu um líkamsvirðingu.

Þetta og meira til í föstudagsfréttapakka Stöðvar 2, Bylgjunnar og Vísis kl. 18:30.