Víða skúrir á landinu í dag

Á morgun snýst vindáttin við og norðaustanátt 5 til 13 metrar á sekúndu tekur við. Rigning eða súld með köflum verður víða en þurrt að kalla á Suðvesturlandi. Hiti verður á bilinu 8 til 16 stig og hlýjast á Suðurlandi.

Í hugleiðingum veðurfræðings kemur fram að veður á landinu sé að breytast ört. Síðustu vikur hafa suðlægar áttir verið ríkjandi með þurru og hlýju veðri á norðaustanverðu landinu, en á morgun kveður við annan tón. 

Lægð nálgast þá landið úr suðaustri og henni fylgir norðaustan gola eða kaldi með rigningu eða súld á köflum víða um land, en úrkoman verður því sem næst samfelld á Austurlandi. Suðvestantil á landinu verður hins vegar þurrt að mestu og sólin gæti látið sjá sig af og til. Hiti 8 til 17 stig, hlýjast á Suðurlandi.