Veiran setur strik í reikninginn á undirbúningstímabili Arsenal

Leikmenn liðsins áttu að fljúga til Bandaríkjanna á morgun, þar sem þeir ætluðu að taka þátt í alþjóðlegu móti á Flórída.

Liðið átti að spila við Inter Mílanó næstkomandi sunnudag og síðan við sigurvegara úr viðureign Everton og Millionarios frá Kólumbíu.

Undirbúningstímabil Arsenal hefur ekki verið upp á marga fiska hingað til, en þeir spiluðu tvo leiki í Skotlandi á dögunum. Fyrri leiknum töpuðu þeir 2-1 gegn Hibernian og gerðu þeir svo 2-2 jafntefli við skosku meistarana í Rangers.