Bein útsending: Kvöldfréttir Stöðvar 2

Lögmaður mannsins sem dæmdur var til að sæta öryggisvistun vegna brunans á Bræðraborgarstíg síðasta sumar segir hann sæta ómannúðlegri meðferð á réttargeðdeild. Sótt hefur verið um leyfi til að áfrýja dómi héraðsdóms til Landsréttar.

Landsvirkjun hefur sótt um virkjanaleyfi fyrir Hvammsvirkjun í Þjórsá. Virkjunin er í nýtingarflokki rammaáætlunar og vonast forstjórinn til að þokkaleg sátt geti náðst um hana.

Hjólahvíslarinn svokallaði tók málin í eigin hendur á dögunum þegar hjólaþjófar voru farnir að hóta honum afleiðingum fyrir að sinna sínu starfi. Hann stendur í ströngu þessa dagana í því sem kallað hefur verið hjólaþjófnaðarfaraldur.

Þetta og margt fleira í kvöldfréttum Stöðvar 2 sem hefjast á slaginu 18:30. Þær má einnig heyra á Bylgjunni og Vísi.