Enn gripið til sóttvarnaaðgerða í Sydney

Forsætisráðherra Nýja Suður Wales tilkynnti þetta á blaðamannafundi en tuttugu og tvö tilfelli hafa greinst síðasta sólarhringinn í borgarhlutunum. 

Lokunin mun vara í að minnsta kosti viku og þurfa allir íbúar að vera heima hjá sér og mega aðeins ganga til vinnu eða skóla, ef brýna nauðsyn ber til og ómögulegt er að vinna heiman frá sér. 

Þá mega íbúarnir stunda hreyfingu úti við og hlúa að veikum fjölskyldumeðlimum. Flest öllum verslunum hefur verið lokað, sem og skemmtistöðum og líkamsræktarstöðvum.