Ísland verður krikketþjóð og það er frábært fyrir innflytjendur Snorri Másson skrifar 30. maí 2021 19:30 Bala Kamallakharan er fæddur í Chennai á austanverðu Indlandi en hefur búið á Íslandi í rúman áratug. Hann er formaður Krikketsambands Íslands og stofnandi StartUp Iceland. Hér er hann á Víðistaðatúni. Instagram Krikketþjóðin Ísland árið 2031. Það er raunhæf hugsjón, að mati formanns Krikketsambands Íslands, indverska Íslendingsins Bala Kamallakharan. Hann er í keppnishug á nýrri leiktíð, sem hófst í mánuðinum í íslensku úrvalsdeildinni í krikket. Bala er á meðal leikmanna Kópavogur Puffins, sem er rótgrónasta krikketlið landsins, stofnað árið 2009. „Krikket er önnur vinsælasta íþrótt í heimi, þannig að mér finnst liggja beinast við að við spilum hana líka hér,“ segir Bala í samtali við Vísi. Flestir krikketspilarar landsins eru af erlendu bergi brotnir en eru þó á sinn hátt hluti af fjöldahreyfingu, enda um aðra vinsælustu íþrótt heims að ræða.Kópavogur Puffins Að sögn Bala er eftir miklu að sælast ef vegur íþróttarinnar er aukinn hér á landi: „Jafnvel þegar við erum að spila eru 2-5.000 að að horfa á leikina og Twitter-reikningur okkar er með 20.000 fylgjendur. Þetta er eitthvað sem virkilega margir hafa áhuga á.“ Ástundun krikkets hefur löngum verið brotakennd hér á landi en er nú að taka á sig þéttari mynd með starfi Bala og félaga. Ætla má að upp undir 100 manns séu virkir í íþróttinni og auk Kópavogsmanna eru önnur þrjú lið; Vesturbær Volcano, Hafnarfjörður Hammers og Reykjavík Vikings. Brúar bilið fyrir hælisleitendur Drjúgur meirihluti leikmanna er af erlendu bergi brotinn og frá krikketþjóðum heims, Indlandi, Pakistan, Ástralíu og jafnvel Suður-Afríku. Á krikketæfingu er ekki verið að velta sér upp úr stríði hælisleitenda við óbilgjarnt kerfið, heldur er sjónum beint að leiknum sjálfum.Kópavogur Puffins Ekki síður er þó að finna nokkurn fjölda í hópnum sem kemur frá stríðshrjáðum svæðum: Um tíu prósent meðlima í Krikketsambandi Íslands eru hælisleitendur. „Hjá okkur fá þeir öruggt rými til þess að vera hluti af samfélagi. Þeir fá auðvitað íbúð hjá hinu opinbera en svo er oft erfitt fyrir þá að komast inn í samfélagið. Við sem búum á Íslandi getum hjálpað þeim að aðlagast og koma þeim í samskipti við aðra íbúa,“ segir Bala. Félagsmálaráðuneytið greiðir félagsgjöld hælisleitenda í klúbbnum og Reykjavíkurborg kemur einnig að málum. „Þessi hópur á auðvitað við ýmsar lagalegar áskoranir að etja en hjá en hér erum við ekki að velta okkur upp úr þeim. Hérna geta þeir bara komið að spila krikket,“ segir Bala. Vesturbæingarnir úr Alvogen vilja inn í KR Bala Kamallakharan er alvara með að gera krikket að hluta af íslensku þjóðlífi. Hluti af þeim áformum er að stofna krikketdeildir innan íþróttafélaganna. „Stóra hugmyndin er að verða hluti af stóru klúbbunum í öllum hverfunum. Þannig vilja Vesturbær Volcanoes verða hluti af KR núna,“ segir Bala. Vesturbæingarnir eru flestir Indverjar sem vinna hjá Alvogen, á fimmta tug vísindamanna. Þeir eiga í viðræðum við KR um að stofna sérstaka deild og þar er nærtækt að sjá fyrir sér að forstjóri fyrirtækisins Róbert Wessman reyni að liðka fyrir samningum. Leikmenn KR í knattspyrnu eru skilmerkilega merktir Alvogen og það gæti krikketlið Vesturbæjarvíkinganna líklega einnig vel hugsað sér að vera. Vísir/Hulda Margrét Óladóttir Róbert er einn helsti stuðningsaðili KR, þótt vissulega hafi heimavöllurinn fyrir skemmstu misst Alvogen-nafnbótina eftir nýja samninga. Nú er aftur einfaldlega talað um Meistaravelli, en þegar kemur að hagsmunum krikketmannanna má vona að sú breyting sé ekki til marks um lakari tengsl á milli stórveldisins og stórfyrirtækisins. Íslandsmótið hafið Bala sjálfur er leikandi í íslensku atvinnulífi, sem stofnandi StartUp Iceland og fjárfestir í íslenskum sprotafyrirtækjum. Hann segir að krikkethugsjónin sé ekki ótengd því vafstri öllu, heldur sé honum í mun að koma að stórum verkefnum hér á landi. Ellefu eru í hvoru liði í krikket, þar af einn kastari og annar kylfingur, eins og sjá má á þessari mynd. Hestar koma hvergi við sögu, enda þótt 92% Evrópubúa hrjáist af ranghugmyndum í þá veru. Hestar eru í póló, s.s. knapaknattleik.Kópavogur Puffins „Ef þú vilt virkilega að eitthvað gerist og enginn annar er að sjá um það, verðurðu bara að bretta upp ermar og taka til hendinni. Mín hugsjón er að á innan við tíu árum verði Ísland orðið krikketþjóð sem geti keppt á alþjóðavettvangi,“ segir Bala. Annarri umferð Íslandsmótsins lauk síðustu helgi með afgerandi sigri Hafnarfjarðarhamranna á Vesturbæjarvíkingunum. Hafnarfjörður trónir á toppnum, eins og má lesa um í þessari skýrslu. Að öðru leyti má sannarlega fylgjast með íslensku krikketi á samfélagsmiðlum, enda liðin öll með eindæmum virk, ásamt því sem síða Íslenska krikketsambandsins er uppfærð mjög samviskusamlega með ítarlegum lýsingum. Ekki er vanþörf á virkri upplýsingagjöf til almennings um þetta efni, enda hafa rannsóknir beinlínis leitt í ljós mjög útbreiddar ranghugmyndir Evrópumanna um íþróttina. Krikket Indland Innflytjendamál Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent Vill fá úr skorið hvort „annarlegar hvatir“ liggi að baki sniðgöngunni Innlent „Af hverju sit ég einn af öllum þessum mönnum fyrir framan dómara?“ Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Frystir Facebook hópinn og rýfur tengsl við Sósíalistaflokkinn Innlent Stöðva vegabréfsáritanir námsmanna og rannsaka umsækjendur nánar Erlent Fleiri fréttir Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Flugmaðurinn hafi verið mjög heppinn Sjá meira
Það er raunhæf hugsjón, að mati formanns Krikketsambands Íslands, indverska Íslendingsins Bala Kamallakharan. Hann er í keppnishug á nýrri leiktíð, sem hófst í mánuðinum í íslensku úrvalsdeildinni í krikket. Bala er á meðal leikmanna Kópavogur Puffins, sem er rótgrónasta krikketlið landsins, stofnað árið 2009. „Krikket er önnur vinsælasta íþrótt í heimi, þannig að mér finnst liggja beinast við að við spilum hana líka hér,“ segir Bala í samtali við Vísi. Flestir krikketspilarar landsins eru af erlendu bergi brotnir en eru þó á sinn hátt hluti af fjöldahreyfingu, enda um aðra vinsælustu íþrótt heims að ræða.Kópavogur Puffins Að sögn Bala er eftir miklu að sælast ef vegur íþróttarinnar er aukinn hér á landi: „Jafnvel þegar við erum að spila eru 2-5.000 að að horfa á leikina og Twitter-reikningur okkar er með 20.000 fylgjendur. Þetta er eitthvað sem virkilega margir hafa áhuga á.“ Ástundun krikkets hefur löngum verið brotakennd hér á landi en er nú að taka á sig þéttari mynd með starfi Bala og félaga. Ætla má að upp undir 100 manns séu virkir í íþróttinni og auk Kópavogsmanna eru önnur þrjú lið; Vesturbær Volcano, Hafnarfjörður Hammers og Reykjavík Vikings. Brúar bilið fyrir hælisleitendur Drjúgur meirihluti leikmanna er af erlendu bergi brotinn og frá krikketþjóðum heims, Indlandi, Pakistan, Ástralíu og jafnvel Suður-Afríku. Á krikketæfingu er ekki verið að velta sér upp úr stríði hælisleitenda við óbilgjarnt kerfið, heldur er sjónum beint að leiknum sjálfum.Kópavogur Puffins Ekki síður er þó að finna nokkurn fjölda í hópnum sem kemur frá stríðshrjáðum svæðum: Um tíu prósent meðlima í Krikketsambandi Íslands eru hælisleitendur. „Hjá okkur fá þeir öruggt rými til þess að vera hluti af samfélagi. Þeir fá auðvitað íbúð hjá hinu opinbera en svo er oft erfitt fyrir þá að komast inn í samfélagið. Við sem búum á Íslandi getum hjálpað þeim að aðlagast og koma þeim í samskipti við aðra íbúa,“ segir Bala. Félagsmálaráðuneytið greiðir félagsgjöld hælisleitenda í klúbbnum og Reykjavíkurborg kemur einnig að málum. „Þessi hópur á auðvitað við ýmsar lagalegar áskoranir að etja en hjá en hér erum við ekki að velta okkur upp úr þeim. Hérna geta þeir bara komið að spila krikket,“ segir Bala. Vesturbæingarnir úr Alvogen vilja inn í KR Bala Kamallakharan er alvara með að gera krikket að hluta af íslensku þjóðlífi. Hluti af þeim áformum er að stofna krikketdeildir innan íþróttafélaganna. „Stóra hugmyndin er að verða hluti af stóru klúbbunum í öllum hverfunum. Þannig vilja Vesturbær Volcanoes verða hluti af KR núna,“ segir Bala. Vesturbæingarnir eru flestir Indverjar sem vinna hjá Alvogen, á fimmta tug vísindamanna. Þeir eiga í viðræðum við KR um að stofna sérstaka deild og þar er nærtækt að sjá fyrir sér að forstjóri fyrirtækisins Róbert Wessman reyni að liðka fyrir samningum. Leikmenn KR í knattspyrnu eru skilmerkilega merktir Alvogen og það gæti krikketlið Vesturbæjarvíkinganna líklega einnig vel hugsað sér að vera. Vísir/Hulda Margrét Óladóttir Róbert er einn helsti stuðningsaðili KR, þótt vissulega hafi heimavöllurinn fyrir skemmstu misst Alvogen-nafnbótina eftir nýja samninga. Nú er aftur einfaldlega talað um Meistaravelli, en þegar kemur að hagsmunum krikketmannanna má vona að sú breyting sé ekki til marks um lakari tengsl á milli stórveldisins og stórfyrirtækisins. Íslandsmótið hafið Bala sjálfur er leikandi í íslensku atvinnulífi, sem stofnandi StartUp Iceland og fjárfestir í íslenskum sprotafyrirtækjum. Hann segir að krikkethugsjónin sé ekki ótengd því vafstri öllu, heldur sé honum í mun að koma að stórum verkefnum hér á landi. Ellefu eru í hvoru liði í krikket, þar af einn kastari og annar kylfingur, eins og sjá má á þessari mynd. Hestar koma hvergi við sögu, enda þótt 92% Evrópubúa hrjáist af ranghugmyndum í þá veru. Hestar eru í póló, s.s. knapaknattleik.Kópavogur Puffins „Ef þú vilt virkilega að eitthvað gerist og enginn annar er að sjá um það, verðurðu bara að bretta upp ermar og taka til hendinni. Mín hugsjón er að á innan við tíu árum verði Ísland orðið krikketþjóð sem geti keppt á alþjóðavettvangi,“ segir Bala. Annarri umferð Íslandsmótsins lauk síðustu helgi með afgerandi sigri Hafnarfjarðarhamranna á Vesturbæjarvíkingunum. Hafnarfjörður trónir á toppnum, eins og má lesa um í þessari skýrslu. Að öðru leyti má sannarlega fylgjast með íslensku krikketi á samfélagsmiðlum, enda liðin öll með eindæmum virk, ásamt því sem síða Íslenska krikketsambandsins er uppfærð mjög samviskusamlega með ítarlegum lýsingum. Ekki er vanþörf á virkri upplýsingagjöf til almennings um þetta efni, enda hafa rannsóknir beinlínis leitt í ljós mjög útbreiddar ranghugmyndir Evrópumanna um íþróttina.
Krikket Indland Innflytjendamál Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent Vill fá úr skorið hvort „annarlegar hvatir“ liggi að baki sniðgöngunni Innlent „Af hverju sit ég einn af öllum þessum mönnum fyrir framan dómara?“ Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Frystir Facebook hópinn og rýfur tengsl við Sósíalistaflokkinn Innlent Stöðva vegabréfsáritanir námsmanna og rannsaka umsækjendur nánar Erlent Fleiri fréttir Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Flugmaðurinn hafi verið mjög heppinn Sjá meira