Handbolti

Ómar fór á kostum í sigri

Anton Ingi Leifsson skrifar
Ómar Ingi fagnar marki fyrr á leiktíðinni en hann lék á als oddi í dag.
Ómar Ingi fagnar marki fyrr á leiktíðinni en hann lék á als oddi í dag. Uwe Anspach/Getty

Ómar Ingi Magnússon var lang markahæsti leikmaður vallarins er Magdeburg hafði betur gegn Nordhorn-Lingen í þýsku úrvalsdeildinni í handbolta.

Magdeburg var 16-11 yfir í hálfleik en munurinn varð að endingu sjö mörk, 33-26. Magdeburg er í fjórða sæti deildarinnar.

Ómar Ingi skoraði tólf mörk úr fimmtán skotum fyrir Magdeburg en Gísli Þorgeir Kristjánsson er á meiðslalistanum.

Alexander Petersson og félagar í Flensburg eru á toppi deildarinnar með 38 stig, líkt og Rhein Neckar Löwen, eftir sigur á Leipzig í dag, 29-23.

Ýmir Örn Gíslason komst ekki á blað en stóð varnarleikinn í sigri Rhein Neckar Löewn á Coburg, 31-28. Ljónin eru jöfn Flensburg á toppi deildarinnar.

Flensburg hefur leikið 21 leik en Ljónin hafa leikið 26 leiki en Alexander komst ekki á blað í leiknum.

Viggó Kristjánsson skoraði fjögur mörk fyrir Stuttgart sem tapaði fyrir Wetzlar á heimavelli, 24-31.

Stuttgart er í þrettánda sætinu.

Þýski handboltinn

Mest lesið


Fleiri fréttir

Sjá meira


×

Mest lesið