Enginn greindist innanlands og einn á landamærunum

Þetta kemur fram í bráðabirðgatölum almannavarna og staðfesti Hjördís Guðmundsdóttir, samskiptastjóri almannavarna, það í samtali við fréttastofu.

„Þetta er eins og við viljum hafa það,“ sagði Hjördís.

Covid.is, upplýsingasíða almannavarna og landlæknis um framgang kórónuveirufaraldursins hér á landi, er ekki uppfærð um helgar. Nánari upplýsingar um fjölda sýna, nýgengi og aðrar ítarlegar upplýsingar verða því aðgengilegar á vefnum klukkan ellefu á mánudag.

Einn greindist innanlands í gær og var það fyrsta smitið sem greindist innalands í viku. Sá var í sóttkví við greiningu.