Hleypur völlinn á þremur sekúndum

Kjartan Atli Kjartansson og félagar í Körfuboltakvöldi gerðu hraða Ægis að umræðuefni í þættinum á föstudag.

Teitur Örlygsson og Jón Halldór Eðvaldsson voru með Kjartani Atla.

„Við sáum Milka vera þrjár sekúndur að taka lay-up áðan en hann setti það reyndar ofaní líka,“ sagði Teitur léttur.

Þeir báru þetta saman við íslandsmet í 100 metra hlaupi en umræðuna í heild má sjá í spilaranum neðst í fréttinni.

„Ég man ekki eftir jafn snöggum íslenskum leikmanni,“ sagði Jón Halldór.

Domino's Körfuboltakvöld er uppgjörsþáttur Stöðvar 2 Sports um Domino's-deildir karla og kvenna í körfubolta og er á dagskrá öll föstudagskvöld. Upptökur af þættinum má nálgast á sjónvarpsvef Stöðvar 2. Domino's-deildin er hluti af Stöð 2 Sport Ísland.