Kvöldfréttir Stöðvar 2

Í kvöldfréttum Stöðvar 2 verður rætt við sóttvarnalækni og heilbrigðisráðherra um málið auk Kára Stefánssonar, forstjóra Íslenskrar erfðagreiningar, sem óttast að málið muni fæla fólk frá bólusetningum.

Í fréttatímanum verður einnig rætt við íslenska konu sem er búsett í Danmörku þar sem aðgerðir vegna veirunnar hafa verið hertar til muna.

Fjallað verður um heimsmarkaðsverð á áli sem hefur rokið upp á undanförnum mánuðum og rætt við forstjóra Norðuráls um þýðingu þess fyrir greinina. Einnig kíkjum við í framhaldsskólana en margir nemendur hófu staðnám í dag en aðrir á næstu dögum.

Þetta og margt fleira í kvöldfréttum á samtengdum rásum Stöðvar 2, Bylgjunnar og á Vísi kl. 18:30.