Bein útsending: Breyttir jeppar í almannaþjónustu

Aldís Ingimarsdóttir og Indriði Sævar Ríkharðsson, kennarar við iðn- og tæknifræðideild, fjalla um breytta jeppa í almannaþjónustu á Íslandi. Um er að ræða fimmta fyrirlesturinn í netfyrirlestraröð HR og Vísis.

Eftir stormasaman vetur höfum við séð ótalmarga breytta jeppa í fréttum, yfirleitt í frekar erfiðum aðstæðum, óveðrum eða öðrum hamförum. Í þessum fyrirlestri er fjallað um breytta jeppa í almannaþjónustu, t.d. hjá RARIK, Landsneti, björgunarsveitunum, Landsvirkjun, lögreglunni, rannsóknarfólki og símafyrirtækjum. Skoðað verður hvers vegna þeir eru notaðir og hvernig þeir eru tæknilega frábrugðnir óbreyttum jeppum.

Þessir „breyttu jeppar“ spruttu ekki einn daginn upp hjá björgunarsveitunum heldur er merkileg þróunarsaga á bak við hinn séríslenska jeppa en sýnt verður örstutt inn í þá sögu og drifkraftinn á bak við hana.