Heilbrigðisráðherra Spánverja Salvador Illa segir ólíklegt að fótboltinn á Spáni muni fara að rúlla fyrir sumarið.
Ekki hefur verið spilaður neinn fótbolti á Spáni síðan 12. mars en útgöngubann ríkir í landinu en rúmlega 22 þúsund manns hafa látið lífið vegna kórónuveirunnar.
„Það yrði glæfralegt af mér að segja að fótboltinn muni snúa aftur fyrir sumarið,“ sagði Illa í samtali við fjölmiðla í gær.
Spanish Health minister Salvador Illa says professional football in Spain is not likely to return before the summer.
— Sky Sports (@SkySports) April 26, 2020
Rætt hefur verið um að allir leikmenn verði prófaðir vegna kórónuveirunnar áður en boltinn fer að rúlla en nokkrir leikmenn hafa stigið fram og gagnrýnt þær hugmyndir.
Spænska deildin hafði ákveðið að byrja ekki aftur fyrr en í lok maí og sagði að Illa og félagar í heilbrigðisráðuneyti Spánverja myndu taka lokaákvörðun um framvindu spænska boltans.
