Tveggja metra reglan bjargaði tilhugalífinu

Þröstur Þórsteinsson fann loksins ástina í lífi sínu eftir að samkomubann var sett á þjóðina vegna útbreiðslu kórónuveirunnar. Það fengu áhorfendur Föstudagskvöld með Gumma Ben og Sóla að sjá síðastliðið föstudagskvöld en Sólmundur Hólm fór hreinlega á kostum sem Þröstur.

Hann hafði aldrei náð sér í kærustu og höfðu aðferðir hans alltaf klikkað. En um leið og tveggja metra reglan var sett á fór hann að hlusta á konur og heyra hvað þær höfðu í raun að segja.

 Það reyndist happaskref fyrir Þröst sem byrjaði í kjölfarið með konu en í innslaginu hér að neðan fer Helga Braga Jónsdóttir með hlutverk hennar.