Nöfn sem þekktir Íslendingar nota ekki

Nöfn eru í eðli sínum þannig að þau skilgreina einstaklinginn og sérstaklega þegar kemur að þekktu fólki. 

Það þekkist víða úti í heimi og sérstaklega í Hollywood að stjörnurnar nota einfaldlega ekki eigin nöfn og nota þess í stað nöfn sem vekja meiri athygli.

Lífið hefur tekið saman lista yfir þekkta Íslendinga sem nota ýmist ekki millinöfn sína eða jafnvel fornöfnin. Listinn er nokkuð langur og má skoða hér að neðan. 

Þar má meðal annars finna þau Víði Reynisson og Ölmu Möller sem hafa heldur betur verið reglulegir heimilisgestir landans undanfarnar vikur.

Nöfnin sem eru á fárra vitorði eru feitletruð:

Guðmundur Víðir Reynisson, yfirlögregluþjónn hjá almannavarnadeild ríkislögreglustjóra.

Alma Dagbjört Möller, landlæknir.

Selma Lóa Björnsdóttir, söngkona og leikstjóri.

Kristján Frosti Logason, fjölmiðlamaður.

Erpur Þórólfur Eyvindsson, rappari.

Ólafur Indriði Stefánsson, handknattleiksmaður.

Björgvin Helgi Halldórsson, tónlistarmaður (þaðan kom H-ið í HLH flokknum með Halla og Ladda)

Eyjólfur Gjafar Sverrisson, knattspyrnumaður.

Bjarni Eggerts Guðjónsson, knattspyrnumaður.

Ólafur Davíð Stefán Jóhannesson, knattspyrnuþjálfari.

Gunnar Lúðvík Nelson, bardagakappi.

Magnús Örn Eyjólfsson Scheving, athafnamaður.

Guðmunda Ragnhildur Gísladóttir, söngkona.

Jón Víðir Sigurðsson, íþróttafréttamaður á Mogganum.

Oddur Hrafn Stefán Björgvinsson, Krummi í Mínus.

Tvíburarnir Arnar og Bjarki Gunnlaugssynir eru báðir með Bergmann sem millinafn.

Egill Óskar Helgason, fjölmiðlamaður.

Valur Snjólfur Ingimundarson, körfuboltaþjálfari.

Edda Guðrún Andrésdóttir, fréttakona.

Karl Heimir Karlsson, fjölmiðlamaður.

Rúnar Baldur Róbertsson, útvarpsmaður.

Guðmundur Magni Ásgeirsson, söngvari. 

Pétur Karl Guðmundsson, körfuboltamaður.

Ingvar Eggert Sigurðsson, leikari.

Gunnleifur Vignir Gunnleifsson, knattspyrnumaður. 

Guðmundur Halldór Torfason, knattspyrnumaður. 

Pétur Úlfar Ormslev, knattspyrnumaður.

Sigurður Helgi Hlöðversson, athafnamaður og útvarpsmaður.