Sportþættir dagsins: Formaður KKÍ, Gummi Gumm í sóttkví og Rúnar Kristinsson

Ingvi Þór Sæmundsson skrifar 18. mars 2020 13:00

Tveir íþróttaþættir verða á Stöð 2 Sport í dag. vísir/vilhelm

Það verður nóg á boðsstólnum í íþróttaþáttunum Sportið í dag og Sportið í kvöld á Stöð 2 Sport.

Sportið í dag hefst klukkan 15:00. Hannes S. Jónsson, formaður KKÍ, kemur í heimsókn en mikið hefur mætt á forystufólkinu í íþróttahreyfingunni að undanförnu. Í dag ákveður KKÍ hvernig, eða hvort, eigi að ljúka keppni í Domino's deildum karla og kvenna.

Guðmundur Guðmundsson, þjálfari íslenska karlalandsliðsins í handbolta, verður einnig í viðtali en hann er kominn í tveggja vikna sóttkví.

Þá verður einnig rætt við Ólaf Guðmundsson, landsliðsmann í handbolta og leikmann Kristianstad. Tímabilið í Svíþjóð hefur verið flautað af en ekki hefur verið ákveðið hvaða lið verður meistari og hvaða lið falla.

Haraldur Haraldsson, formaður Íslensks toppfótbolta, verður sömuleiðis í viðtali.

Í Sportinu í kvöld, sem hefst klukkan 20:00, mætir Rúnar Kristinsson, þjálfari Íslandsmeistara KR, í viðtal til Guðmundar Benediktssonar.

Tengdar fréttir

Guðmundur heim í sóttkví | „Ég er bara í sérherbergi“

„Ég er bara í sóttkví heima hjá mér, og uppi í sumarbústað. Það er samfélagsleg skylda mín og ég fylgi því,“ segir Guðmundur Guðmundsson, landsliðsþjálfari í handbolta, sem kom heim til Íslands frá Þýskalandi á mánudaginn vegna kórónuveirunnar.

18. mars 2020 07:00

Veigar Páll um rauða spjaldið gegn FH: „Aldrei liðið jafn illa á ævinni“

Veigar Páll Gunnarsson rifjaði upp rauða spjaldið sem hann fékk í frægum leik FH og Stjörnunnar í Sportinu í kvöld.

18. mars 2020 12:30

Davíð Þór: Hefðum bara þurft að vera með fúnkerandi línuvörð

Úrslitaleikur FH og Stjörnunnar frá árinu 2014 var gerður upp í fyrsta þætti af Sportið í kvöld sem var á dagskrá Stöðvar 2 Sport sí gærkvöldi. Ríkharð Óskar Guðnason fékk fyrirliðanna úr leiknum, þá Davíð Þór Viðarsson og Veigar Pál Gunnarsson í settið til sín.

18. mars 2020 11:30