Valur stofnar nýtt kvennalið fyrir yngri leikmenn félagsins

Valur hefur sett á laggirnar nýtt kvennalið, KH, Knattspyrnufélag Hlíðarenda, sem mun hefja keppni í 2. deild næsta sumar.

Þar munu ungir og efnilegir leikmenn Vals í 2. og 3. flokki fá tækifæri til að spila með meistaraflokki og öðlaðst þar með reynslu til að leika með liði Vals í framtíðinni.

Í tilkynningu frá Val kemur fram að ungir og efnilegir leikmenn félagsins fái fyrr tækifæri að reyna sig í meistaraflokki og náið samstarf verði milli Vals og KH og þjálfara liðanna.

Arnar Páll Garðarsson verður þjálfari KH og honum til halds og trausts verður Haraldur Hróðmarsson, yfirþjálfari Vals.