Hann tók við stjórnartaumunum hjá þýska B-deildarliðinu Gummersbach síðastliðið sumar og hefur liðið farið afar vel af stað undir stjórn Guðjóns.
Í dag unnu þeir öruggan fimm marka sigur á Elbflorenz, 26-21, og styrktu þar með stöðu sína á toppi deildarinnar en liðið hefur aðeins tapað einum af fyrstu tíu leikjum sínum í deildinni.
Eyjapeyinn Elliði Snær Viðarsson er á meðal leikmanna Gummersbach en hann gerði tvö mörk í leik dagsins.
