Þórólfur gaf grænt ljós á sundlaugar og afreksíþróttir fyrir bakslagið Kolbeinn Tumi Daðason skrifar 1. desember 2020 13:55 Margir gætu hugsað sér að skreppa í sundlaugarnar sem hafa verið lokaðar stóran hluta af árinu. Vísir/Vilhelm Þórólfur Guðnason sóttvarnalæknir lagði það til í minnisblaði sínu til heilbrigðisráðherra þann 25. nóvember að á morgun, 2. desember, yrðu sund- og baðstaðir opnaðir að nýju með leyfi fyrir 50% af leyfilegum hámarksfjölda. Þá yrðu íþróttaæfingar fullorðinna með eða án snertingar í efstu deildum heimilar. Líkamsræktarstöðvar áttu áfram að vera lokaðar. Verslanir fengju leyfi fyrir 50 viðskiptavinum og fleiri í tilfelli stórra verslana. Þá lagði hann til að heimila æfingar í sviðslistum fyrir 30 manns og leyfa fimmtíu áhorfendur í hverju hólfi. Samkomubann í landinu myndi miða við 20 en ekki 10 eins og nú er. Þetta kemur fram í minnisblaði sóttvarnalæknis til heilbrigðisráðherra sem fréttastofa kallaði eftir. Þórólfur lagði þó áherslu á það í minnisblaði sínu að tillögurnar væru gerðar með þeim fyrirvara að faraldurinn breyttist ekki fram til þess tíma að ný reglugerð tæki gildi 2. desember. Ljóst er að margir hefðu fagnað tillögum Þórólfs hefðu þær orðið að veruleika. Uppgangur veirunnar varð til þess að hann endurskoðaði tillögurnar og verður óbreytt ástand í eina viku til viðbótar.Vísir/Vilhelm Þórólfur skilaði tillögunum þann 25. nóvember. Í framhaldinu fór smituðum að fjölga á nýjan leik í samfélaginu og fór svo að Þórólfur skilaði nýjum tillögum til ráðherra og lagði til óbreytt ástand í eina til tvær vikur í viðbót. Minnisblöðin tvö má sjá í PDf-skjölum neðst í fréttinni. Ráðherra tilkynnti í dag að ástandið yrði óbreytt til 9. desember. Í minnisblaðinu 25. nóvember kemur fram að faraldurinn hafi verið á niðurleið hér á landi og smit sem greinist daglega séu á bilinu þrjú til sjö. Flestir sem greinist séu í sóttkví. „Hins vegar er fólk enn að greinast utan sóttkvíar sem segir okkur að veiran er til staðar í samfélaginu þó í litlum mæli sé,“ segir Þórólfur í minnisblaðinu sem aldrei varð grundvöllur að reglugerð enda varð kippur í fjölda smitaðra hér á landi. Þórólfur fullyrti þó í minnisblaðinu að á þeirri viku, frá 18. nóvember til 25. nóvember, hefðu aðgerðir skilað umtalsverðum árangri í fækkun á nýgengi smita og sömuleiðis minna álagi á sjúkrastofnanir. Ekki stóð til að heimila líkamsræktarstöðvum að opna.Vísir/Vilhelm „Á sama tíma hefur töluverður fjöldi verið að greinast á landamærunum sem segir okkur að enn er sú hætta fyrir hendi að annar faraldur geti blossað hér upp ef ekki verður farið með gát,“ segir Þórólfur. Tillögur hans voru eftirfarandi: 1. Þær takmarkanir sem taki gildi 2. desember 2020 muni gilda í 2 vikur. 2. Almennar fjöldatakmarkanir verði miðaðar við 20 manns með ákveðnum undantekningum sem tilgreindar verða sérstaklega hér að neðan. Börn fædd 2005 og síðar verði undanþegin. 3. Nándarregla verði áfram tveir metrar með ákveðnum undantekningum sem tilgreindar eru hér að neðan. Börn fædd 2005 og síðar verði undanþegin. 4. Sund- og baðstaðir megi opna fyrir 50% af leyfilegum hámarksfjölda gesta. Börn fædd 2005 og síðar teljist ekki með. 5. Íþróttaæfingar fullorðinna með eða án snertingar í íþróttum innan ÍSÍ verði heimilar í efstu deildum. Hámarksfjöldi í hverju hólfi verði 25 manns. Æfingar afreksmanna í einstaklingsbundnum íþróttum verði heimilar. Æfingar sem krefjast snertingar innan bardagaíþrótta verði ekki heimilar. Sameiginleg búningsaðstaða verði lokuð. Sameiginleg áhöld verði sótthreinsuð a.m.k. tvisvar á dag. Íþróttakeppni verði óheimil. 6. Líkamsræktarstöðvar verði áfram lokaðar. 7. Sviðslistir: a. Æfingar með snertingu verði leyfðar fyrir allt að 30 starfsmenn á sviði. Grímur verði notaðar þegar því verður við komið nema þegar listflutningur fer fram. Leitast verði við að viðhafa tveggja metra nándarreglu. Gætt verði að handhreinsun og sótthreinsun sameiginlegs búnaðar a.m.k. tvisvar á dag. b. Heimilt verði að taka á móti allt að 50 sitjandi gestum í hverju hólfi og þeim gert skylt að nota grímu. Hlé og áfengissala á sýningum verði ekki leyfð. c. Skylt verði að selja í númeruð sæti og skrá haldin yfir gesti. d. Heimilt verði að taka á móti grunn- og leikskólabörnum á sýningar með sömu takmörkunum og gilda í skólastarfi. 8. Verslanir megi taka á móti 50 manns í hverju hólfi (börn teljast ekki með). Fyrir hverja 10 m2 má bæta við einum viðskiptavini að hámarki 200 manns. Gæta skal að tveggja metra nálægðarreglu og grímuskyldu eins og áður. 9. Veitingahús megi taka á móti 20 viðskiptavinum í hverju rými. Gætt verði að tveggja metra reglunni. Opnunartími verði til kl. 21. 10. Krár og spilasalir verði áfram lokaðir 11. Grímuskylda verði óbreytt. Tengd skjöl FyrriTillogurSottvarnalaeknisPDF451KBSækja skjal SeinniTillogurSottvarnalaeknisPDF453KBSækja skjal Faraldur kórónuveiru (COVID-19) Sundlaugar Samkomubann á Íslandi Líkamsræktarstöðvar Mest lesið Leita leiða til að kveða ranglega útgefnar sektir í kútinn Fréttir „Það nægir ekki ESB að rústa eigin iðnaðarframleiðslu“ Innlent „Góðu fréttirnar eru að það sem hann segir skiptir engu máli“ Erlent Vill bjóða borgarstjóra í vöfflukaffi eftir deilurnar Innlent Ósammála Náttúrufræðistofnun og segja veiðar á lunda forsvaranlegar Innlent Mikið viðbragð vegna umferðarslyss Innlent Uppsagnir sjómanna í Grindavík: „Hvenær er nóg, nóg?“ Innlent Skógasafn vill Gunnfaxa en beðið svara eigenda Innlent Epstein-skjölin og Trump: Eitthvað virðist rotið í Danaveldi Erlent ESB leggur til tolla á Ísland: „Þetta er bara tillaga sem er á borðinu“ Innlent Fleiri fréttir Áfram gýs úr einum gýg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Sjá meira
Þá yrðu íþróttaæfingar fullorðinna með eða án snertingar í efstu deildum heimilar. Líkamsræktarstöðvar áttu áfram að vera lokaðar. Verslanir fengju leyfi fyrir 50 viðskiptavinum og fleiri í tilfelli stórra verslana. Þá lagði hann til að heimila æfingar í sviðslistum fyrir 30 manns og leyfa fimmtíu áhorfendur í hverju hólfi. Samkomubann í landinu myndi miða við 20 en ekki 10 eins og nú er. Þetta kemur fram í minnisblaði sóttvarnalæknis til heilbrigðisráðherra sem fréttastofa kallaði eftir. Þórólfur lagði þó áherslu á það í minnisblaði sínu að tillögurnar væru gerðar með þeim fyrirvara að faraldurinn breyttist ekki fram til þess tíma að ný reglugerð tæki gildi 2. desember. Ljóst er að margir hefðu fagnað tillögum Þórólfs hefðu þær orðið að veruleika. Uppgangur veirunnar varð til þess að hann endurskoðaði tillögurnar og verður óbreytt ástand í eina viku til viðbótar.Vísir/Vilhelm Þórólfur skilaði tillögunum þann 25. nóvember. Í framhaldinu fór smituðum að fjölga á nýjan leik í samfélaginu og fór svo að Þórólfur skilaði nýjum tillögum til ráðherra og lagði til óbreytt ástand í eina til tvær vikur í viðbót. Minnisblöðin tvö má sjá í PDf-skjölum neðst í fréttinni. Ráðherra tilkynnti í dag að ástandið yrði óbreytt til 9. desember. Í minnisblaðinu 25. nóvember kemur fram að faraldurinn hafi verið á niðurleið hér á landi og smit sem greinist daglega séu á bilinu þrjú til sjö. Flestir sem greinist séu í sóttkví. „Hins vegar er fólk enn að greinast utan sóttkvíar sem segir okkur að veiran er til staðar í samfélaginu þó í litlum mæli sé,“ segir Þórólfur í minnisblaðinu sem aldrei varð grundvöllur að reglugerð enda varð kippur í fjölda smitaðra hér á landi. Þórólfur fullyrti þó í minnisblaðinu að á þeirri viku, frá 18. nóvember til 25. nóvember, hefðu aðgerðir skilað umtalsverðum árangri í fækkun á nýgengi smita og sömuleiðis minna álagi á sjúkrastofnanir. Ekki stóð til að heimila líkamsræktarstöðvum að opna.Vísir/Vilhelm „Á sama tíma hefur töluverður fjöldi verið að greinast á landamærunum sem segir okkur að enn er sú hætta fyrir hendi að annar faraldur geti blossað hér upp ef ekki verður farið með gát,“ segir Þórólfur. Tillögur hans voru eftirfarandi: 1. Þær takmarkanir sem taki gildi 2. desember 2020 muni gilda í 2 vikur. 2. Almennar fjöldatakmarkanir verði miðaðar við 20 manns með ákveðnum undantekningum sem tilgreindar verða sérstaklega hér að neðan. Börn fædd 2005 og síðar verði undanþegin. 3. Nándarregla verði áfram tveir metrar með ákveðnum undantekningum sem tilgreindar eru hér að neðan. Börn fædd 2005 og síðar verði undanþegin. 4. Sund- og baðstaðir megi opna fyrir 50% af leyfilegum hámarksfjölda gesta. Börn fædd 2005 og síðar teljist ekki með. 5. Íþróttaæfingar fullorðinna með eða án snertingar í íþróttum innan ÍSÍ verði heimilar í efstu deildum. Hámarksfjöldi í hverju hólfi verði 25 manns. Æfingar afreksmanna í einstaklingsbundnum íþróttum verði heimilar. Æfingar sem krefjast snertingar innan bardagaíþrótta verði ekki heimilar. Sameiginleg búningsaðstaða verði lokuð. Sameiginleg áhöld verði sótthreinsuð a.m.k. tvisvar á dag. Íþróttakeppni verði óheimil. 6. Líkamsræktarstöðvar verði áfram lokaðar. 7. Sviðslistir: a. Æfingar með snertingu verði leyfðar fyrir allt að 30 starfsmenn á sviði. Grímur verði notaðar þegar því verður við komið nema þegar listflutningur fer fram. Leitast verði við að viðhafa tveggja metra nándarreglu. Gætt verði að handhreinsun og sótthreinsun sameiginlegs búnaðar a.m.k. tvisvar á dag. b. Heimilt verði að taka á móti allt að 50 sitjandi gestum í hverju hólfi og þeim gert skylt að nota grímu. Hlé og áfengissala á sýningum verði ekki leyfð. c. Skylt verði að selja í númeruð sæti og skrá haldin yfir gesti. d. Heimilt verði að taka á móti grunn- og leikskólabörnum á sýningar með sömu takmörkunum og gilda í skólastarfi. 8. Verslanir megi taka á móti 50 manns í hverju hólfi (börn teljast ekki með). Fyrir hverja 10 m2 má bæta við einum viðskiptavini að hámarki 200 manns. Gæta skal að tveggja metra nálægðarreglu og grímuskyldu eins og áður. 9. Veitingahús megi taka á móti 20 viðskiptavinum í hverju rými. Gætt verði að tveggja metra reglunni. Opnunartími verði til kl. 21. 10. Krár og spilasalir verði áfram lokaðir 11. Grímuskylda verði óbreytt. Tengd skjöl FyrriTillogurSottvarnalaeknisPDF451KBSækja skjal SeinniTillogurSottvarnalaeknisPDF453KBSækja skjal
Faraldur kórónuveiru (COVID-19) Sundlaugar Samkomubann á Íslandi Líkamsræktarstöðvar Mest lesið Leita leiða til að kveða ranglega útgefnar sektir í kútinn Fréttir „Það nægir ekki ESB að rústa eigin iðnaðarframleiðslu“ Innlent „Góðu fréttirnar eru að það sem hann segir skiptir engu máli“ Erlent Vill bjóða borgarstjóra í vöfflukaffi eftir deilurnar Innlent Ósammála Náttúrufræðistofnun og segja veiðar á lunda forsvaranlegar Innlent Mikið viðbragð vegna umferðarslyss Innlent Uppsagnir sjómanna í Grindavík: „Hvenær er nóg, nóg?“ Innlent Skógasafn vill Gunnfaxa en beðið svara eigenda Innlent Epstein-skjölin og Trump: Eitthvað virðist rotið í Danaveldi Erlent ESB leggur til tolla á Ísland: „Þetta er bara tillaga sem er á borðinu“ Innlent Fleiri fréttir Áfram gýs úr einum gýg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Sjá meira