Bein út­sending: Kvöld­fréttir Stöðvar 2

Í kvöldfréttum Stöðvar 2 verður rætt við deildarstjóra öldrunarlækningarkjarna Landspítalans sem segir að starfsmönnum Landakots hafi verið boðið upp á sálrænan stuðnings vegna hópsýkingarinnar sem þar kom upp. Starfsmönnum hafi liðið gríðarlega illa og hópsýkingin verið mikið áfall.

Við heyrum líka í Þórólfi Guðnasyni sóttvarnalækni um þróunina í faraldrinum hér á landi og hvernig hann líti til aðventunnar og mögulegra hópamyndana þá.

Við segjum einnig frá því að í fyrsta sinn í nærri sextíu ára sögu Flókalundar á Barðaströnd sé þar boðið upp á gistingu yfir veturinn og er ástæðan sögð vera nýhafin vegagerð á Dynjandisheiði.

Þá verður rætt við yfirlækni á blóðlækningadeild sem segir skiljanlegt að sjúklingar séu uggandi yfir töfum á rannsóknum og eftirliti á Landspítalanum í kórónuveirufaraldrinum.

Þetta og fleira til í kvöldfréttum sem hefjast á slaginu 18:30 á samtengdum rásum Stöðvar 2, Vísis og á Bylgjunnar.