Keflavík leikur meðal þeirra bestu næsta sumar

Keflavík vann sér sæti í Pepsi-Max deild kvenna í fótbolta í dag þó liðið hafi ekki verið að spila.

Topplið Tindastóls vann 3-0 sigur á Haukum en Haukar voru fyrir leikinn eina lið deildarinnar sem átti möguleika á að hrifsa 2.sætið af Keflavík. Tindastóll þegar búið að tryggja sig upp um deild.

Keflavík á eftir að leika þrjá leiki í Lengjudeildinni og er sjö stigum á eftir Tindastóli og eiga Keflavíkurkonur því enn tölfræðilegan möguleika á því að vinna deildina.

Aldeilis gott ár í fótboltanum í Keflavík en karlalið félagsins er komið með annan fótinn upp í deild þeirra bestu.