Sjáðu Pál Óskar syngja sína útgáfu af laginu Í kvöld er gigg

„Ég er svo spenntur, ég er bara svo of-peppaður og í engu ástandi til að stýra þessum þætti," sagði Ingó Veðurguð í byrjun þáttarins Í kvöld er gigg sem var á dagskrá Stöðvar 2 í kvöld. 

Það er óhætt að segja að annar þátturinn af Í kvöld er gigg hafi verið stjörnum prýddur en gestir Ingó að þessu sinni voru engin önnur en þau Páll Óskar og Sigga Beinteins.   

Ingó fékk Palla og Siggu til að syngja með sér sín uppáhalds dægurlög og sungu þau meðal annars lög hvors annars ásamt öðrum slögurum. 

Mikil stemmning hafi var í salnum og hrifu gestirnir áhorfendur með sér með einlægri og líflegri framkomu.

Hér fyrir neðan er hægt að sjá Pál Óskar flytja sína útgáfu af lagi Ingós, Í kvöld er gigg. 

Fyrir áhugasama er hægt að nálgast Spotify lagalista hér fyrir neðan með öllum þeim lögum sem flutt voru í þættinum.