Bein út­sending: Að lifa með veirunni

Samráðsfundur í formi vinnustofu fer fram milli klukkan 9 og 13 í dag þar sem fjallað verður um áframhaldandi aðgerðir vegna Covid-19 til lengri tíma litið.

Það er heilbrigðisráðherra í samvinnu við forsætis- og dómsmálaráðuneytið sem efnir til fundarins.

Á vef Stjórnarráðsins segir að afrakstur fundarins verði birtur í samráðsgátt stjórnvalda, en markmiðið sé að stilla saman strengi og móta áherslur og leiðarljós sem geti nýst í áframhaldandi vinnu við mótun aðgerða vegna Covid-19 á næstu misserum.

„Við vitum ekki hve lengi kórónaveiran verður áhrifavaldur í samfélaginu og verðum að búa okkur undir að lifa með henni til lengri tíma. Því er víðtækt samráð sem þetta mikilvægt.“

Hægt er að fylgjast með fundinum í spilaranum að neðan. Fundarstjóri er Bergur Ebbi Benediktsson og verkefnastjóri fundarins Guðrún Björg Sigurbjörnsdóttir frá Landspítala.

Dagskrá fundarins:

Samráðsfundur á Hótel Hilton Nordica 20. ágúst kl. 9-13

09:00 Opnun

09:10 Ávarp heilbrigðisráðherra

09:20 Örerindi

• Bergur Ebbi Benediktsson
• Guðrún Johnsen hagfræðingur. - Hagræn áhrif Covid
• Henry Alexander Henryson heimspekingur. - Að lifa heimspekilega með veirunni
• Steinunn Gestsdóttir aðstoðarrektor HÍ - Velferð og menntun barna og ungmenna á tímum Covid
• Una Hildardóttir forseti LUF. - Framtíðin og Covid

10:30 Vinnuhópar

• Heilsa og heilbrigðisþjónusta (salur D)
• Menning, íþróttir og dægradvöl (salur H)
• Menntun (salur I)
• Atvinnulíf (salur F)
• Almannaöryggi (salur G)
• Velferð (stóri salur)

11:50 Samantekt borðstjóra

12:30 Pallborð

• Svandís Svavarsdóttir heilbrigðisráðherra
• Alma D. Möller landlæknir
• Þórólfur Guðnason sóttvarnalæknir
• Víðir Reynisson yfirlögregluþjónn hjá embætti ríkislögreglustjóra.

12:50

• Lok fundar og næstu skref