Valur með naumt forskot fyrir seinni leikinn

Valsmenn unnu í dag tyrkneska liðið Beykoz í fyrri leik liðanna í Áskorendabikar karla í handbolta, 26-25.

Báðir leikir liðanna fara fram ytra en seinni leikurinn er á dagskrá á morgun. Sigurliðið kemst áfram í 8-liða úrslit keppninnar.

Magnús Óli Magnússon var markahæstur Valsmanna með 9 mörk og Anton Rúnarsson skoraði 8. Ásgeir Snær Vignisson skoraði 3, Róbert Aron Hostert og Stiven Tobar Valencia 2 hvor, og Benedikt Gunnar Óskarsson og Þorgils Jón Svölu Baldursson 1 hvor.