Lamar Jackson afrekaði það sem aðeins Tom Brady hafði áður

Lokahóf NFL deildarinnar fór fram í gærkvöld þar sem besti leikmaðurinn var valinn ásamt tilheyrandi fagnaðarlátum. Þar varð Lamar Jackson þess heiðurs aðnjótandi að vera valinn besti leikmaður deildarinnar og feta í kjölfarið í fótspor hins goðsagnakennda Tom Brady.

Jackson, leikstjórnandi Baltimore Ravens, varð nefnilega aðeins annar leikmaður í sögu deildarinnar til að fá fullt hús stiga í kosningunni á besta leikmanni deildarinnar. 

"You have to have confidence in yourself. Some people might say it's cocky, but you know what you're capable of. Sky's the limit." @Lj_era8 reacts to being named MVP.

: NFL Honors 8 p.m. on FOX pic.twitter.com/QfAMsAa7zo

— Baltimore Ravens (@Ravens) February 2, 2020

Jackson kom Ravens í úrslitakeppnina þar sem þeir töpuðu einkar óvænt fyrir Tennessee Titans en fram að því höfðu Ravens aðeins tapað tveimur af 16 leikjum sínum í deildinni.

Hinn 23 ára gamli leikstjórnandi fór á kostum á tímabilinu en Baltimore völdu hann sem 32. val í nýliðavalinu sumarið 2018. Þessi reynslulitli leikmaður lét það ekki stöðva sig og kastaði fyrir fleiri snertimörkum en nokkur annar leikstjórnandi deildarinnar í vetur eða 32 talsins.

Lamar Jackson’s 10 BEST PLAYS from his MVP season! @lj_era8

: #NFLHonors | 8pm ET on FOX pic.twitter.com/6pA2O6jP5R

— NFL (@NFL) February 1, 2020

Í kvöld fer svo fram úrslitaleikur NFL deildarinnar eða Ofurskálin eins og hún kallast á okkar ylhýra. Þar mætast Kansas City Chiefs með hinn stórskemmtilega leikstjórnanda Patrick Mahomes og San Francisco 49ers sem eru líklega besta varnarlið deildarinnar.

Leikurinn er í beinni útsendingu Stöðvar 2 Sport og hefst útsendingin klukkan 22:00.