Tæp­lega 170 kílóa afl­rauna­maður reyndi fyrir sér í barna­leikjum

Eddie Hall er enginn smá smíði. Englendingurinn er tæplega 170 kíló en fyrr í vikunni var Eddie 166 kíló.

Eddie er aflraunamaður sem hefur unnið til gullverðlauna á Sterkasta manni heims 2017 en hann nældi einnig í bronsið árið 2016 í sömu keppni.

Það er rúmt ár þangað til að tug milljónabardagi Eddie Hall og Hafþórs Júlíusar Björnssonar fer fram en aflraunamennirnir ætla að boxa í Las Vegas.

Þeir hafa aldrei boxað áður og fá þeir báðir dágóða summu fyrir að boxa. Þeir hafa því verið duglegir að undirbúa sig að undanförnu.

Englendingurinn ákváð þó að bregða á leik um helgina er hann lék sér í krakkaleikjum. Tæplega 170 kílóa maður í Twister er áhugaverð sjón sem má sjá hér að neðan.